Պատահարներ Երևանում և հանրապետության ավտոճանապարհներին

Նոյեմբերի 13-ին, ժամը 09.40-ին, «Օպել Աստրա» մակնիշի ավտոմեքենան Երևանի  Դավիթ-Բեկի փողոցում բախվել է «Տոյոտա» մակնիշի ավտոմեքենային, ինչի հետևանքով վարորդները մարմնական վնասվածքներով տեղափոխվել են հիվանդանոց:

Կատարվում է քննություն։

 

***

 

Նոյեմբերի 14-ին, ժամը 01.30-ին, «Օպել» մակնիշի ավտոմեքենան Երևանի  Այվազովսկու և Տիտոգրադյան փողոցների խաչմերուկում բախվել է մայթեզրի քարե պատնեշին։ 18-ամյա ուղևորը մարմնական վնասվածքներով տեղափոխվել է հիվանդանոց:

Կատարվում է քննություն։

 

***

 

Նոյեմբերի 13-ին, ժամը 08.45-ին, Երևանի Վաղարշյան փողոցում  իրար են բախվել «Մերսեդես Բենց» և «Օպել» մակնիշի ավտոմեքենաներ։ «Օպել»-ի երկու ուղևորները մարմնական վնասվածքներով տեղափոխվել են հիվանդանոց:

Կատարվում է քննություն։

 

***

 

Նոյեմբերի 13-ին, ժամը 17.25-ին, ոստիկանության Մալաթիայի բաժին հիվանդանոցից հաղորդում է ստացվել, որ «կրծքավանդակի սալջարդ» ախտորոշմամբ իրենց մոտ բուժօգնության է դիմել մի 24-ամյա երիտասարդ և հայտնել, որ վնասվածքը ստացել է նույն օրը՝ Երևանի Մոնթեյի փողոցում իր կողմից վարած մոտոցիկլետով վթարի ենթարկվելու հետևանքով, և բուժօգնություն ստանալով՝ հեռացել:

Կատարվում է քննություն։

 

***

 

Նոյեմբերի 13-ին, ժամը 20.30-ին, «Նիսան» մակնիշի ավտոմեքենան բախվել է Ծիծեռնակաբերդի խճուղու շրջանցիկ կամրջի ստորին ճանապարհահատվածի բետոնե պատնեշին, այնուհետև՝ «Դեու Նեքսիա» մակնիշի ավտոմեքենային։ «Նիսան»-ի վարորդը և երկու ուղևորներ մարմնական վնասվածքներով տեղափոխվել են հիվանդանոց:

Կատարվում է քննություն։

 

***

 

Նոյեմբերի 13-ին, ժամը 17.30-ին, Երևանի  Դավիթ Անհաղթի փողոցում իրար են բախվել «Մերսեդես-Բենց» և «Օպել» մակնիշի ավտոմեքենաները։ 

«Օպել»-ի 62-ամյա ուղևորը մարմնական վնասվածքներով տեղափոխվել է հիվանդանոց։

Կատարվում է քննություն։

 

***

 

Նոյեմբերի 12-ին, ժամը 14.35-ին, ոստիկանության Մասիսի  բաժին հիվանդանոցից հաղորդում էր ստացվել, որ «աջ այտոսկրի փափուկ հյուսվածքների սալջարդ» ախտորոշմամբ իրենց մոտ է տեղափոխվել 30-ամյա մի կին, որը հայտնել է, որ վնասվածքը ստացել է իրենց գյուղի կանգառում: 

Նյութերի նախապատրաստման ընթացքում պարզվել է, որ նոյեմբերի 12-ին, ժամը 14.00-ի սահմաններում, «ԳԱԶել» մակնիշի ավտոմեքենան Մարմարաշեն գյուղի գյուղապետարանի հարևանությամբ գտնվող կանգառում վրաերթի է ենթարկել վերջինիս` պատճառելով վնասվածքը:

Կատարվում է քննություն։

 

***

 

Նոյեմբերի 13-ին, ժամը 01.55-ին, հիվանդանոցից ոստիկանությունում հաղորդում է ստացվել, որ «ձախից 6-րդ կողի կոտրվածք» ախտորոշմամբ բուժօգնության է դիմել 31-ամյա մի երիտասարդ և հայտարարել, որ վնասվածքը ստացել է իրենց տան բակում` աստիճանից վայր ընկնելու հետևանքով: 

Ստացված օպերատիվ տվյալներն իրացնելիս պարզվել է, որ երիտասարդը վնասվածքը ստացել է նույն օրը, ժամը 01.30-ի սահմաններում, որպես ուղևոր գտնվելով «Հոնդա Ակորդ» մակնիշի ավտոմեքենայում, Երևան-Արմավիր ճանապարհի 38-րդ կմ-ին ծառին բախվելու հետևանքով:

Կատարվում է քննություն։

 

***

 

Նոյեմբերի 13-ին, ժամը 12.00-ի սահմաններում, «ԲԻԴ» մակնիշի ավտոմեքենան Վանաձորի Տիգրան Մեծի պողոտայի շենքերից մեկի մոտ վրաերթի է ենթարկել 15-ամյա մի աղջկա և տեղափոխել նրան  հիվանդանոց:

Կատարվում է քննություն։

 

***

 

Նոյեմբերի 13-ին, ժամը 08.40-ի սահմաններում, «ԳԱԶ-3110» մակնիշի ավտոմեքենան Գյումրիի Երևանյան խճուղու շենքերից մեկի դիմաց բախվել է «ՎԱԶ-2345 VIS» մակնիշի ավտոմեքենանայի։ 

Վարորդները և «ՎԱԶ-2345 VIS»-ի 25-ամյա ուղևորը մարմնական վնասվածքներով տեղափոխվել են հիվանդանոց:

Կատարվում է քննություն։

 

 

***

 

Նոյեմբերի 13-ին, ժամը 5.00-ի սահմաններում, «ՎԱԶ-2121» մակնիշի ավտոմեքենան Նոյեմբերյանի «Փոքր Գոգդաղ» կոչվող հանդամասում դուրս է եկել ճանապարհի բանուկ մասից և շրջվել։ 

Վթարի հետևանքով 34-ամյա ուղևորը մարմնական վնասվածքներով տեղափոխվել է հիվանդանոց:

Կատարվում է քննություն։