Պատահարներ Երևան քաղաքում և հանրապետության ավտոճանապարհներին

Հունիսի 4-ին, ժամը 16.00-ի սահմաններում, Երևանի Մազմանյան և Շիրազի փողոցների խաչմերուկում իրար են բախվել «ՎԱԶ-2107» և «Տոյոտա» մակնիշի ավտոմեքենաներ:
«ՎԱԶ-2107»-ի վարորդը բուժօգնության է դիմել հիվանդանոց:
Կատարվում է քննություն:

***
Հունիսի 4-ին, ժամը 10.20-ին, «Հոնդա» մակնիշի ավտոմեքենայի վարորդը Երևանի Սեբաստիայի փողոցի թիվ 80 շենքի դիմաց վրաերթի է ենթարկել 91-ամյա կնոջ և նրան հիվանդանոց տեղափոխելուց հետո` ներկայացել բաժին:
Կատարվում է քննություն:

***
Հունիսի 4-ին, ժամը 17.30-ի սահմաններում, Էջմիածին-Մարգարա ճանապարհի 1-ին կմ-ին իրար են բախվել «ՎԱԶ-21015» և «Օպել Կորսա» մակնիշի ավտոմեքենաներ:
«ՎԱԶ-21015»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 5-ին, ժամը 01.30-ի սահմաններում, Իջևան-Երևան ավտոճանապարհի 89.5 կմ-ին իրար են բախվել «ՎԱԶ-21102» և «Ֆոլքսվագեն Գոլֆ» մակնիշի ավտոմեքենաներ:
«Ֆոլքսվագեն Գոլֆ»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 4-ին, ժամը 23.00-ին, Ստեփանավանի Վիրահայոց փողոցի թիվ 4 հասցեում գտնվող բենզալցակայանի մոտ իրար են բախվել «ՎԱԶ-2107» և «Ֆորդ-Տրանզիտ» մակնիշի ավտոմեքենաներ, ինչի հետևանքով «ՎԱԶ-2107»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 4-ին, ժամը 12.50-ին, Երևան-Գյումրի ճանապարհի 110-րդ կմ-ին «Մերսեդես» մակնիշի ավտոմեքենան բախվել է «ՎԱԶ-2106» մակնիշի ավտոմեքենայի, ինչի հետևանքով «Մերսեդես»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 4-ին, ժամը 10.00-ին, «Մերսեդես E 240» մակնիշի ավտոմեքենայի վարորդը Իջևանի Երևանյան փողոցում վրաերթի է ենթարկել 9-ամյա տղայի, որը ձախ ոտնաթաթի սալջարդ վնասվածքով տեղափոխվել է հիվանդանոց, իսկ վարորդը ներկայացել է բաժին:
Կատարվում է քննություն: