Յուրացման փաստով հարուցվել է քրեական գործ

17.12.2013 16:51 Յուրացում կամ վատնում

Դեկտեմբերի 12-ին, ժամը 17.20-ին, «Հայփոստ» ՓԲԸ-ից ոստիկանության Հրազդանի բաժնում նյութեր են ստացվել, որ դեկտեմբերի 3-ին ընկերության մասնաճյուղերից մեկի փոստային բաժանմունքում դրամական միջոցների գույքագրում կատարելու արդյունքում արձանագրվել է 73.860 դրամի կոմերցիոն ապրանքների պակասորդ և 1.632.129 դրամի պակասորդ:

1955 թ. ծնված Սոֆիկ Գ.-ն իր հայտարարություն-բացատրության մեջ նշել է, որ նոյեմբերի 28-ին, ժամը 13.00-ի սահմաններում, կորցրել է պահեստասենյակի և չհրկիզվող պահարանի բանալիները, որի մեջ եղել են վերը նշված գումարները:

Դեկտեմբերի 3-ին հատուկ մասնագետի օգնությամբ բացվել է պահարանը և պարզվել, որ նշված գումարները չկան:

Ոստիկանության Չարենցավանի բաժնում նյութերի նախապատրաստման ընթացքում պարզվել է, որ Սոֆիկ Գ.-ն 2011-2013 թթ. ընթացքում փոստային բաժանմունքում իրեն վստահված 73.860 դրամի կոմերցիոն ապրանքների և 1.632.129 դրամ գումարը յուրացրել ու ծախսել է անձնական կարիքների համար:

Սոֆիկ Գ.-ն միաժամանակ իր բացատրությամբ նշել է, որ գողության փաստը եղել է հորինված:

Ոստիկանության Չարենցավանի քննչական բաժանմունքում փաստի առթիվ ՀՀ քրեական օրենսգրքի 179 հոդվածի 2-րդ մասի հատկանիշներով հարուցվել է քրեական գործ:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Յուրացման փաստով հարուցվել է քրեական գործ

ՀԻՄՆԱԿԱՆ