Հրկիզել են գարու և հաճարի արտեր

21.07.2015 11:08 Գույքի դիտավորությամբ ոչնչացում

Հուլիսի 19-ին, ժամը 14.30-ին, ՀՀ ՏԿ և ԱԻՆ-ից ոստիկանության Կոտայքի բաժնում հաղորդում է ստացվել, որ իրենց է զանգահարել 1971 թ. ծնված Գարիկ Մ.-ն և հայտնել, որ Ջրաբեր գյուղում այրվում են գարու 3 հեկտար, հաճարի 1 հեկտար և գարու 1 հեկտար հնձված արտերը, և այնտեղ նկատել են սև «Ֆոլքսվագեն Գոլֆ» և սպիտակ «Պրիորա» մակնիշի ավտոմեքենաներ:

Մեկնած օպերատիվ խումբը պարզել է, որ նույն օրը, ժամը 13.00-ի սահմաններում, Կապուտան գյուղին հարակից դաշտավայրում` Աբովյան քաղաքից դեպի Ջրաբեր տանող ճանապարհից մոտ 150 մ հեռավորության վրա գտնվող, 1962 թ. ծնված Անանիա Ս.-ին պատկանող մոտ 4 հեկտար գարու և հաճարի արտը և նրա եղբորը` 1960 թ. ծնված Հարություն Ս.-ին պատկանող մոտ 4 հեկտար արտի մեջ գտնվող մոտ 100 ծղոտը հրկիզել է «Ֆոլքսվագեն Գոլֆ» մակնիշի ավտոմեքենայի վարորդը` պատճառելով մոտ 2.580.000 դրամի նյութական վնաս:

Ոստիկանության Կոտայքի բաժնի ծառայողների ձեռնարկած օպերատիվ-հետախուզական և բացատրական աշխատանքների շնորհիվ, հուլիսի 20-ին, ժամը 15.40-ին, բաժին է ներկայացել «Ֆոլկսվագեն Գոլֆ» մակնիշի ավտոմեքենայի վարորդը` 1959 թ. ծնված Արմեն Մ.-ն և տվել խոստովանական բացատրություն:

Քննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հրկիզել են գարու և հաճարի արտեր

ՀԻՄՆԱԿԱՆ