Հրդեհի առաջացման հանգամանքները պարզվում են

Սեպտեմբերի 15-ին, ժամը 05.00-ին, ոստիկանության Սիսիանի բաժնում ահազանգ է ստացվել, որ Վաղատին գյուղում այրվում են ծղոտի և խոտի դեզեր: 

Հրդեհը մարվել էր նույն օրը, ժամը 05.30-ին` մարտական 2 հաշվարկի ուժերով:

Սեպտեմբերի 17-ին ՀՀ ԱԻՆ Սյունիքի մարզի հրդեհային և տեխնիկական անվտանգության տեսչությունից հաղորդում է ստացվել, որ հրդեհի առաջացման պատճառ կարող էր հանդիսանալ անհայտ անձի կողմից բաց կրակի օգտագործումը, ինչի հետևանքով այրվել է 1976 թ. ծնված Ժիրայր Գ.-ին, 1955 թ. ծնված Վաչագան Բ.-ին, 1959 թ. ծնված Ռոբերտ Ա.-ին և 1943 թ. ծնված Վլադիկ Հ.-ին պատկանող խոտի և ծղոտի դեզերը:

Հրդեհի հետևանքով այրվել են Ժիրայր Գ.-ին պատկանող մոտ 100 հակ խոտը և  80 հակ ծղոտը, Վաչագան Բ.-ին պատկանող մոտ 100 հակ խոտը և 100 հակ ծղոտը, Ռոբերտ Ա.-ին պատկանող մոտ 150 հակ խոտը և 100 հակ ծղոտը և Վլադիկ Հ.-ին պատկանող մոտ 100 հակ խոտը:

Հրդեհի հետևանքով պատճառվել է մոտ 300 հազար դրամի նյութական վնաս:

Հանգամանքները պարզվում են:

Կատարվում է հետաքննություն: