Գլխավոր էջ
ԿԱՌՈՒՑՎԱԾՔ
Ներքին անվտանգության և հակակոռուպցիոն վարչություն
Արձանագրված դեպքեր
ՀՀ ոստիկանության ներքին անվտանգության վարչությունում 2013 թ. 1-ին եռամսյակում արձանագրված նշանակալի դեպքերի կապակցությամբ կատարված ծառայողական քննությունների վերաբերյալ

ՀՀ ոստիկանության ներքին անվտանգության վարչությունում 2013 թ. 1-ին եռամսյակում արձանագրված նշանակալի դեպքերի կապակցությամբ կատարված ծառայողական քննությունների վերաբերյալ

18.04.2013 12:42 Արձանագրված դեպքեր

1. 2013 թ. մարտի 24-ին ոստիկանության Արաբկիրի բաժնից օպերատիվ հաղորդագրություն է ստացվել, որ քաղաքացուն մարմնական վնասվածք հասցնելու կասկածանքով բաժին բերման է ենթարկվել ՀՀ ոստիկանության կրթահամալիրի ակադեմիայի իրավաբանական ֆակուլտետի 4-րդ կուրսի կուրսանտ Ա. Բադալյանը:

ՀՀ ոստիկանության ներքին անվտանգության վարչությունում կատարված ծառայողական քննությամբ հիմնավորվել է, որ ոստիկանության կրթահամալիրի ակադեմիայի իրավաբանական ֆակուլտետի 4-րդ կուրսի կուրսանտ Ա. Բադալյանն իր մոր անվամբ հաշվառված «Մերսեդես Բենց» մակնիշի ավտոմեքենան առանց վարորդական իրավունքի վկայական ունենալու վարել է Կոմիտաս-Վաղարշյան փողոցների խաչմերուկում, որտեղ ճանապարհն իրեն չզիջելու պատճառով վիճաբանել է «Օպել» մակնիշի ավտոմեքենայի վարորդ Վարդիթեր Է.-ի հետ, որի ընթացքում հայհոյանքներ է տվել վերջինիս, ապտակել ու մեքենայի դուռը փակել նրա ոտքին` պատճառելով մարմնական վնասվածք:

Ծառայողական քննության արդյունքներով Ա. Բադալյանը ՀՀ ոստիկանության պետի հրամանով ազատվել է ոստիկանությունում ծառայությունից:

Ծառայողական քննության նյութերը 2013 թ. մարտի 27-ին ուղարկվել են ՀՀ ՀՔԾ, որտեղ 2013 թ. ապրիլի 5-ին քրեական գործ է հարուցվել ՀՀ քրեական օրենսգրքի 121-րդ հոդվածի 1-ին մասով:

2. ՀՀ ոստիկանության ՊՊԳ վարչությունից 2013 թ. մարտի 6-ին ստացվել են ՊՊԳՎ Տաշիրի պահպանության բաժանմունքի ոստիկան Հայկ Գրիգորյանի նկատմամբ սկսված ծառայողական քննության նյութերն այն մասին, որ վերջինս հիշյալ պաշտոնում նշանակվելուց հետո ՊՊԳՎ կադրերի բաժին է ներկայացրել իր անվամբ լրացված AD 089435 համարի դիպլոմը:

Սահմանված կարգի համաձայն` հարցում է կատարվել Երևանի պետական տնտեսագիտական ինստիտուտի Գյումրիի մասնաճյուղ` հիշյալ դիպլոմի իսկությունը ստուգելու համար:

Ստացված գրության համաձայն` Երևանի պետական տնտեսագիտական ինստիտուտի Գյումրիի մասնաճյուղում Հայկ Գրիգորյան անուն-ազգանունով ուսանող չի սովորել, հետևաբար AD 089435 համարի դիպլոմն իրենց կողմից տրված չէ:

Դիպլոմի կեղծ լինելու հանգամանքը պարզելու և ոստիկանության ծառայող Հայկ Գրիգորյանի արարքին քրեաիրավական գնահատական տալու համար ծառայողական քննության նյութերը 2013 թ. մարտի 16-ին ուղարկվել են ՀՀ ՀՔԾ, որտեղ 2013 թ. մարտի 20-ին քրեական գործ է հարուցվել ՀՀ քրեական օրենսգրքի 325-րդ հոդվածի 1-ին մասով:

Ծառայողական քննության նյութերը կասեցվել են` մինչև ՀՔԾ-ում վերջնական որոշում կայացնելը:

ՀԻՄՆԱԿԱՆ