ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

ՀՀ ոստիկանության ներքին անվտանգության վարչության կողմից 2019 թվականի ընթացքում իրականացված աշխատանքների ամփոփ վիճակագրություն

ՀՀ ոստիկանության ներքին անվտանգության վարչության կողմից 2019 թվականի ընթացքում իրականացված աշխատանքների ամփոփ վիճակագրություն

2019 թվականի ընթացքում ՀՀ ոստիկանության ներքին անվտանգության վարչությունում կատարվել են 848 ծառայողական քննություններ և ուսումնասիրություններ:
Կատարված ծառայողական քննությունների արդյունքներով ոստիկանության ծառայողների նկատմամբ կիրառվել են 247 կարգապահական տույժեր, այդ թվում՝
- հայտարարվել է «Նկատողություն»` 88,
- հայտարարվել է «Խիստ նկատողություն»` 128,
- պաշտոնն իջեցվել է մեկ աստիճանով՝ 3,
- կոչումն իջեցվել է մեկ աստիճանով՝ 2,
- ազատվել են ոստիկանությունում ծառայությունից` 26:
Կարգապահական տույժ է կիրառվել նաև քաղաքացիական հատուկ ծառայության 1 ծառայողի նկատմամբ, նրան հայտարարվել է «Նկատողություն»։
ՀՀ ոստիկանության ծառայողների թույլ տված օրինախախտումների փաստերով ներքին անվտանգության վարչության կողմից նախապատրաստվել և նախաքննական մարմինների քննարկմանն են ուղարկվել ծառայողական քննությունների 36 նյութեր: Դրանցից
- 1-ով նյութերը քննարկման փուլում են,
- 7-ով քրեական գործ հարուցելը մերժվել է,
- 28-ով հարուցվել են քրեական գործեր։ Դրանցից
• 13-ը նախաքննության փուլում են,
• 10-ը կարճվել են արդարացնող հիմքերով,
• 2-ը կասեցվել են,
• 3-ն ուղարկվել են դատարան և դատաքննության փուլում են։

2019 թվականի ընթացքում ՀՀ ոստիկանությունում հրավիրվել է կարգապահական հանձնաժողովի 6 նիստ, որոնց ընթացքում քննարկվել են ոստիկանության 39 ծառայողի վերաբերյալ իրականացված ծառայողական քննությունների 35 նյութեր (ընդ որում` 1 ծառայողի վերաբերյալ իրականացված ծառայողական քննության նյութերը հանձնաժողովի կողմից քննության են առնվել կրկնակի, բացի այդ՝ 1 ծառայողի վերաբերյալ հանձնաժողովի կողմից երկու նյութ է քննվել, որոնցից մեկի արդյունքներով ծառայողն ազատվել է ոստիկանությունից, իսկ մյուսը դադարեցվել է):
Կարգապահական հանձնաժողովի միջնորդությամբ ՀՀ ոստիկանության պետի հրամաններով ոստիկանության 36 ծառայողի նկատմամբ կիրառվել են կարգապահական տույժեր, մասնավորապես՝ 1 ծառայողի հայտարարվել է «Նկատողություն», 7 ծառայողի՝ «Խիստ նկատողություն», 28-ն ազատվել են ՀՀ ոստիկանությունում ծառայությունից: Միաժամանակ, 4 ծառայողի նկատմամբ իրականացվող ծառայողական քննությունները դադարեցվել են։