Գլխավոր էջ
ՆՈՐՈՒԹՅՈՒՆՆԵՐ
Ընտրություններ
Համացանցում հրապարակված տեղեկատվությունը չի համապատասխանում իրականությանը

Համացանցում հրապարակված տեղեկատվությունը չի համապատասխանում իրականությանը

17.02.2013 19:46 Ընտրություններ

www.galatv.am համացանցային կայքում հրապարակված տեղեկատվության համաձայն Գյումրիի բնակիչ Խաչիկ Ալեքսանյանը այցելել է ԳԱԼԱ հեռուստաընկերություն և հայտնել իր դժգոհությունը, որ արդեն երեք տարի իր աներորդին` Մարտին Ռոբերտի Պապիկյանը (ծնվ. 15.07.1994 թ.) հանդիսանում է ՌԴ քաղաքացի, ունի ՌԴ քաղաքացու անձնագիր, երբևէ ՀՀ քաղաքացու անձնագիր չի ունեցել, քանի որ մինչև 16 տարեկանը լրանալը մեկնել է ՌԴ և հաստատվել այնտեղ, սակայն հայտնվել է ընտրացուցակում:

Խաչիկ Ալեքսանյանը հայտարարել է նաև, որ միջազգային օրենքի համաձայն՝ ՌԴ-ն ՀՀ-ի հետ երկքաղաքացիության մասին որևէ պայմանագիր չունի, և լինելով մասնագիտությամբ իրավաբան՝ գիտակցում է, որ կեղծ տվյալ տալը առաջացնում է պատասխանատվություն:

Հայաստանի Հանրապետության օրենսդրության պահանջների անհիմն մեկնաբանությունները բացառելու, ինչպես և հանրության շրջանում ապատեղեկատվություն տարածելու դեպքերը կանխելու նպատակով ՀՀ ոստիկանությունը պարզաբանում է, որ համաձայն անձնագրային և վիզաների վարչության բնակչության պետական ռեգիստրի տվյալների՝ Մարտին Ռոբերտի Պապիկյանը (ծնվ. 15.07.1994 թ.) 14.08.2009 թ. Գյումրիի անձնագրային ծառայության կողմից փաստաթղթավորվել է ՀՀ քաղաքացու AK0361711 սերիայի անձնագրով` հաշվառվելով Գյումրի, Շչեդրինի փ. 7Ա շ., բն. 32 հասցում:

«Հայաստանի Հանրապետության քաղաքացիության մասին» ՀՀ օրենքի 4-րդ հոդվածի համաձայն՝ ՀՀ քաղաքացու անձնագիրը համարվում է ՀՀ քաղաքացիությունը հավաստող փաստաթուղթ:

Նույն օրենքի 26-րդ հոդվածի համաձայն՝ Հայաստանի Հանրապետության քաղաքացիությունը դադարեցվում է ՀՀ Նախագահի հրամանագրով:

Համաձայն անձնագրային և վիզաների վարչության բնակչության պետական ռեգիստրի տվյալների՝ Մարտին Ռոբերտի Պապիկյանի ՀՀ քաղաքացիությունը դադարեցված չէ:

Հետևաբար, Մարտին Ռոբերտի Պապիկյանը հանդիսանալով ՀՀ քաղաքացի, իրավաչափորեն ընդգրկված է իր հաշվառման վայրի ընտրողների ցուցակում:

Ի գիտություն տեղեկացվում է նաև, որ «Հայաստանի Հանրապետության քաղաքացիության մասին» ՀՀ օրենքի 13.1-րդ հոդվածի համաձայն՝ Հայաստանի Հանրապետության երկքաղաքացին ունի ՀՀ քաղաքացու համար նախատեսված բոլոր իրավունքները և կրում է ՀՀ քաղաքացու համար նախատեսված բոլոր պարտականություններն ու պատասխանատվությունը:

ՀՀ ՈՍՏԻԿԱՆՈՒԹՅՈՒՆ

Համացանցում հրապարակված տեղեկատվությունը չի համապատասխանում իրականությանը

ՀԻՄՆԱԿԱՆ