Թունավորումների դեպքեր

16.04.2013 08:59 Թունավորում

Ապրիլի 15-ին, ժամը 23.00-ին, հիվանդանոցից ոստիկանության Արտաշատի բաժնում հաղորդում է ստացվել, որ սուր թունավորումով բուժօգնության է տեղափոխվել Վերին Արտաշատ գյուղի բնակչուհի, 22-ամյա Լուիզա Խաչատրյանը:

Պարզվել է, որ նույն օրը, ժամը 17.30-ի սահմաններում, Լ. Խաչատրյանի 3-ամյա դուստրը միացրել է խոհանոցի գազօջախը, ինչի հետևանքով Լ. Խաչատրյանը թունավորվել և տեղափոխվել է հիվանդանոց:

Կատարվում է նախաքննություն:

***

Ապրիլի 15-ին, ժամը 17.55-ին, հիվանդանոցից ոստիկանության Արարատի բաժնում հաղորդում է ստացվել, որ «սուր սննդային թունավորում» ախտորոշմամբ իրենց մոտ են տեղափոխվել 1986 թ. ծնված Հայկուշ Մարգարյանը և որդին` 2008 թ. ծնված Քաջիկ Սարգսյանը:

Պարզել է, որ նույն օրը, ժամը 12.30-ի սահմաններում, Հ. Մարգարյանը և Ք. Սարգսյանը տանը կերել են տապակած ձկնկիթ, ինչի հետևանքով թունավորվել են:

Նույն օրը, ժամը 22.00-ին, «սննդային թունավորում» ախտորոշմամբ նույն հիվանդանոց է տեղափոխվել նաև Հ. Մարգարյանի մյուս որդին` 2009 թ. ծնված Նարեկ Սարգսյանը:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Թունավորումների դեպքեր

ՀԻՄՆԱԿԱՆ