ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Ապօրինի պահվող զենք-զինամթերքի կամավոր հանձնումներ ոստիկանության տարածքային բաժիններում

Ոստիկանության տարածքային ստորաբաժանումների ծառայողները շարունակում են ամենօրյա ակտիվ բացատրական աշխատանքը` բնակչության մոտ ապօրինի պահվող զենք-զինամթերքի կամավոր հանձնման ուղղությամբ։
Արդյունավետ էր հատկապես Սյունիքի մարզային վարչության ստորաբաժանումների ծառայողների անցկացրած բացատրական աշխատանքը։ Ոստիկանության Գորիսի բաժնի համայնքային ոստիկանների բացատրական աշխատանքի արդյունքում գորիսցի մի տղամարդ բաժնում հանձնել է «ԱԿՄ» տիպի ինքնաձիգ և ինքնաձիգի պահունակ։
Սիսիանի համայնքային ոստիկանների բացատրական աշխատանքի արդյունքում սիսիանցի մի տղամարդ բաժին էր տարել «ՏՕԶ» տեսակի ակոսափող հրացան, տարբեր տրամաչափի 205 փամփուշտ, երեք նռնակ, նռնակի 2 պայթուցիչ և «ՎՕԳ-17» տեսակի ինքնաձիգի կրակոց: Նա հայտնել էր, որ զենք-զինամթերքը 1994-ին գտել էր Ջրականի գյուղերից մեկի կիսաքանդ տնից, տեղափոխել էր Հայաստան և պահում էր իր այգում: Իսկ Սիսիանի բաժնի հերթապահ մասի ծառայողների բացատրական աշխատանքի արդյունքում բաժին զանգած քաղաքացին հայտնել էր, որ «ԱԿՄ» տիպի ինքնաձիգ է թողել Սիսիանի վարչական տարածքի էլեկտրաենթակայանի ցանկապատի մոտ: Ինքնաձիգը նշված վայրում հանտնաբերվել է:
Ոստիկանության Աշտարակի բաժնի և ՊՊԳՎ Աշտարակի պահպանության բաժնի ծառայողների համատեղ բացատրական աշխատանքի արդյունքում բաժին զանգած տղամարդը հայտնել էր, որ Աշտարակ քաղաքի ՃՈ անշարժ պահակակետի հետնամասում թողել է ատրճանակ-գնդացիր և փամփուշտներ, որոնք նշված վայրում ոստիկանները հայտնաբերել են: Բացատրական աշխատանքի արդյունքում Արագած գյուղի մի բնակիչ էլ ոստիկանության Ապարանի բաժին է հանձնել որսորդական երկփողանի ողորկափող հրացան:
Արմավիրի մարզի Ջրաշեն գյուղի մի բնակիչ ոստիկանության Արմավիրի բաժնում հանձնել է նռնակ, տարբեր տրամաչափի փամփուշտներ և հայտնել, որ դրանք պատկանել են հանգուցյալ հորը, ինքը գտել է անասնագոմի տանիքում մաքրման աշխատանք կատարելիս:
Ոստիկանության Մեծամորի բաժնի քրեական հետախույզների և համայնքային ոստիկանների բացատրական աշխատանքի արդյունքում բաժին է զանգել 44-օրյա պատերազմի մասնակից մի տղամարդ և հայտնել, որ Ակնալիճ գյուղի գերեզմանատան հարակից կիսակառույց շինությունում զենք-զինամթերք է թողել: Ոստիկանները նշված վայրում հայտնաբերել են «ԱԿ-74» տիպի ինքնաձիգ՝ լիցքավորված 7,62 մմ տրամաչափի 15 փամփուշտով:
Ոստիկանության Արտաշատի հաշվառման-քննական բաժանմունքի և Մասիսի բաժնի ՊՊԾ ծառայողների բացատրական աշխատանքի արդյունքում ոստիկանության Մասիսի բաժնում մասիսցի մի տղամարդ հանձնել է ակոսափող հրազեն, 1 նռնակ՝ պայթուցիչով, և 7,62 մմ տրամաչափի 64 փամփուշտ:
Ոստիկանության Կոտայքի մարզի օպերատիվ կառավարման կենտրոն զանգած քաղաքացին էլ հայտնել էր, որ զենք-զինամթերք է թողել Չարենցավանի գերեզմանատան հարակից տարածքում: Նշված վայրում Չարենցավանի ոստիկանները հայտնաբերել են «ԱԿ» տեսակի ինքնաձիգ, 7,62 մմ տրամաչափի փամփուշտներ և փամփշտատուփ:
Կրկին հորդորում ենք ապօրինի պահվող զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: