Զենք-զինամթերքի կամավոր հանձնման աշխատանքները շարունակվում են

Ոստիկանության կենտրոնական բաժնի քրեական հետախուզության բաժանմունքի ծառայողների կողմից բնակչության շրջանում անցկացված բացատրական աշխատանքների շնորհիվ, նոյեմբերի 2-ին՝ ժամը 18.05-ին, 1954 թ. ծնված Լիլյա Ա.-ն կամավոր հանձնել է «ՏՕԶ» տիպի 16 մմ տրամաչափի, մեկփողանի, ողորկափող որսորդական հրացան՝ առանց համարի, և տարբեր տրամաչափի 55 փամփուշտ ու հայտնել, որ դրանք պատկանել են հանգուցյալ ամուսնուն` Արտեմ Ա.-ին:
Նշանակվել է փորձաքննություն:
Կատարվում է քննություն:

***
Նոյեմբերի 2-ին՝ ժամը 17.30-ին, ոստիկանության Մասիսի բաժնի ծառայողների կողմից բնակչության շրջանում անցկացված բացատրական աշխատանքների շնորհիվ 1989 թ. ծնված Լևոն Ս.-ն կամավոր հանձնել 1 «Կարաբին» տիպի հրացան՝ գործարանային համարը մեխանիկական եղանակով ջնջված, 1 փամփշտատուփ՝ լիցքավորված 5.45 մմ տրամաչափի 12 փամփուշտով, 5.45 մմ տրամաչափի 120 և 7.62 մմ տրամաչափի 47 փամփուշտ, ինչպես նաև «Ֆ-1» տիպի ձեռքի նռնակ՝ առանց պայթուցիչի, և նռնակի 1 պայթուցիչ:
Ըստ քաղաքացու հայտարարության, նշված զենք-զինամթերքը պատկանել է 1992 թ. զոհված, արցախյան պատերազմի մասնակից հորը՝ Շմավոն Ս.-ին, որը դրանք ձեռք էր բերել ԼՂՀ ինքնապաշտպանական մարտերի ժամանակ:
Ներկայացվածն ուղարկվել է ՀՀ ոստիկանության Արարատի մարզային վարչություն՝ փորձաքննության:
Նախապատրաստվում են նյութեր:

***
Ոստիկանության Նոյեմբերյանի բաժնի ծառայողների կողմից բնակչության շրջանում անցկացված բացատրական աշխատանքների շնորհիվ, նոյեմբերի 2-ին՝ ժամը 20.30-ին, 1990 թ. ծնված Վահե Մ.-ն կամավոր հանձնել է ինքնաշեն, մեկփողանի, ողորկափող հրացան և ինքնաձիգի 7.62 մմ տրամաչափի 20 փամփուշտ ու հայտնել, որ նշվածը պատկանել է հորը` Յուրիկ Մ.-ին, որը մահացել է 1998թ-ին:
Ներկայացվածն ուղարկվել է ՀՀ ոստիկանության Տավուշի մարզային վարչության ՓՔԽ:
Նախապատրաստվում են նյութեր: