ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Ամուր գործընկերություն հայկական երկու պետությունների ոստիկանությունների միջև

02.09.2020 12:02 Միջոցառումներ

Հայաստանի Հանրապետության և Արցախի Հանրապետության ոստիկանական կառույցների համագործակցությունը ավելի քան երեք տասնամյակի հարուստ փորձ ունի և տարեցտարի գործընկերությունից վերածվում է միասնական աշխատանքի, որի արդյունքը անհերքելի հաջողություններն են օրինապահության ապահովման գործում:
Վաղուց արդեն ավանդույթ ու գործելակերպ են երկու համակարգերի տարբեր օղակների միջև փորձի փոխանակումը, առկա խնդիրների համատեղ քննարկումն ու լուծումը, ոստիկանության ղեկավարության, տարբեր օղակների պատասխանատուների ու մասնագետների փոխայցելությունները:
Հուլիսի 24-ին աշխատանքային այցով Հայաստանում էր Արցախի Հանրապետության ոստիկանության պատվիրակությունը` ոստիկանության պետ Աշոտ Հակոբջանյանի գլխավորությամբ։
Պատվիրակությանն ընդունեց ՀՀ ոստիկանության պետ Վահե Ղազարյանը։
Ողջունելով գործընկերներին` Վահե Ղազարյանը կարևորեց Հայաստանի և Արցախի ոստիկանությունների միջև սերտ համագործակցությունը և ընդգծեց հասարակական կարգի ապահովման ու հանցավորության դեմ պայքարի գործում արդյունավետ գործընկերության անհրաժեշտությունը:
Արցախի ոստիկանության պետ Աշոտ Հակոբջանյանը շնորհակալություն հայտնեց ջերմ ընդունելության համար և նշելով, որ համագործակցությունն օր օրի ամրապնդվում է՝ հավաստեց գործընկերությունն առավել խորացնելու և ընդլայնելու պատրաստակամությունը։
Ելույթներում կրկին հաստատվեց այն իրողությունը, որ հայկական երկու հանրապետությունների արտաքին ու ներքին անվտանգության ապահովման գործում Հայաստանի և Արցախի ոստիկանների միասնական աշխատանքը ավելի քան կենսական անհրաժեշտություն է:
Հանդիպման ընթացքում քննարկվեցին փոխադարձ հետաքրքրություն ներկայացնող մի շարք հարցեր:
Ավարտին Վահե Ղազարյանն ու Աշոտ Հակոբջանյանը համագործակցության մասին հուշագիր ստորագրեցին, ինչին հաջորդեց պարգևատրման արարողություն։

***

Օգոստոսի 27-ին, ՀՀ ոստիկանության պետ Վահե Ղազարյանի գլխավորությամբ, պատասխան այցով Արցախի Հանրապետություն մեկնեց Հայաստանի ոստիկանության պատվիրակությունը։
Նույն օրը Հայաստանի ոստիկանության պետ Վահե Ղազարյանին ընդունեց Արցախի Հանրապետության նախագահ Արայիկ Հարությունյանը:
Հանդիպման ընթացքում, որին մասնակցում էր ԱՀ ոստիկանության պետ Աշոտ Հակոբջանյանը, քննարկվեցին Արցախի և Հայաստանի գործընկեր կառույցների համատեղ աշխատանքին վերաբերող հարցեր:
Երկուստեք կարևորվեց երկու հայկական հանրապետությունների իրավապահ մարմինների միջև ավելի ակտիվ և համակարգված աշխատանքի ապահովումը, ինչը վստահաբար ավելի արդյունավետ կդարձնի առաջադրված խնդիրների լուծումը:
Օգոստոսի 28-ին Հայաստանի ոստիկանության պատվիրակությունը այցելեց Արցախի Հանրապետության ոստիկանություն։
Հայկական երկու պետությունների ոստիկանության ղեկավարությունը ծաղիկներ խոնարհեց հայրենիքի անկախության և իրավակարգի պաշտպանության համար նահատակված ոստիկանների հիշատակը հավերժացնող հուշաքարին։
Այնուհետև Արցախի ոստիկանության պետ Աշոտ Հակոբջանյանն ընդունեց Հայաստանի ոստիկանության պատվիրակությանը։
Արցախի Հանրապետության ոստիկանության պետն ընդգծեց, որ Արցախի և Հայաստանի ոստիկանությունների միջև սերտ համագործակցությունն ավանդաբար արգասաբեր ու բարձր մակարդակի վրա է, իսկ 2020 թվականի հուլիսի 24-ին ստորագրված հուշագիրը նոր հիմք է, որ գործակցությունն առավել ամուր, կայուն ու արդյունավետ կլինի:
Հայաստանի ոստիկանության պետ Վահե Ղազարյանը, շնորհակալություն հայտնելով ջերմ ընդունելության համար, վստահեցրեց, որ առկա սերտ համագործակցությունը կլինի շարունակական և երկուստեք լուրջ հաջողություններ կարձանագրի երկու կառույցների աշխատանքում:
Ելույթներին հաջորդեց պարգևատրման արարողությունը։
Հայաստանի Հանրապետության և Արցախի Հանրապետության ոստիկանական կառույցների ղեկավարների փոխայցելությունները ևս մեկ քայլ էին իրավապահ համակարգերի փոխգործակցության ամրապնդման, գործընկերության խորացման և աշխատանքի արդյունավետության ապահովման ուղղությամբ՝ վկան ոստիկանության պետերի հանդիպումից ընդամենը երկու օր անց Հայաստանի և Արցախի ոստիկանների համատեղ միջոցառումներով խարդախության մեղադրանքով հետախուզվողի հայտնաբերումն էր Արցախի Քաշաթաղի շրջանում։ Համագործակցությունն ամենօրյա է և հեռանկարային։