ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Կոտայքի ոստիկանները տասնյակ բնակարանային գողությունների ու փորձերի դեպքեր են բացահայտել (ՏԵՍԱՆՅՈՒԹ)

22.11.2019 18:09 Գողություն

Աբովյանում և մոտակա Մայակովսկի գյուղում վերջին երկու ամիսներին մեկ տասնյակից ավելի բնակարանային գողություններ ու գողության փորձեր էին կատարվել: Տուժողներից ոմանք ոստիկանություն էին դիմել, ոմանք` ոչ: Հարուցվել էին քրեական գործեր: Իրավապահները հնարավոր բոլոր միջոցներով փորձում էին գտնել հանցագործին:
Առաջին դեպքը ոստիկանության Կոտայքի բաժնում գրանցվել էր հոկտեմբերի 2-ին: Անհայտ անձը կամ գուցե անձինք հարմարեցված գործիքով բացել էին Կոտայքի փողոցի տներից մեկի պատուհանը և, ըստ տուժողի հայտարարության, ննջարանից հափշտակել 800 հազար դրամ և 80 հազար դոլար:
Ահազանգը ստանալուն պես օպերատիվ խումբը դեպքի վայր էր մեկնել, կազմել համապատասխան արձանագրություններ: Բացահայտման ուղղությամբ միջոցառումներ էին ձեռնարկվում, երբ հոկտեմբերի 11-ին նույն փողոցից նոր ահազանգ ստացվեց: Տներից մեկի պատուհանը հարմարեցված գործիքով բացելիս կոտրել էին ապակին, մի ննջարանից գողացել ոսկյա և արծաթյա զարդեր, մյուսից` փող:
Կոտայքի փողոց մեկնած ոստիկաններն ուսումնասիրեցին դեպքի վայրը, արձանագրեցին` որտեղից ինչ են գողացել: Զրուցեցին տուժողի հետ: 40 րոպեով էր ընդամենը տնից բացակայել...
Օրեր անց, դարձյալ Կոտայքի փողոցից, բնակարանային գողության երրորդ ահազանգը ստացվեց: Օգտվելով տանտերերի բացակայությունից` ինչ-որ մեկը պատուհանով ներս էր մտել և հյուրասենյակի պահարանից գողացել ոսկյա զարդեր:
Մոտ մեկ շաբաթ անց նույն եղանակով փորձել էին Սարալանջի փողոցի մի տնից գողություն անել, բայց, ինչ-ինչ հանգամանքներից ելնելով, գործն ավարտին հասցնել չէին կարողացել:
Գողության փորձի ևս երեք դեպք ոստիկանության Կոտայքի բաժնում գրանցվեց նոյեմբերին:
Երկուսը Աբովյանում էր կատարվել, մեկը` Մայակովսկի գյուղում:
Վերլուծելով դեպքերը` ոստիկանության Կոտայքի բաժնի ծառայողները փորձում էին հասկանալ` ինչով էին իրարից տարբեր և ինչ ընդհանրություններ ունեին գողությունները: Որոշվեց ուժեղացնել քրեական հետախուզության և համայնքային ոստիկանության բաժանմունքների համագործակցությունը, օպերատիվ իրավիճակին տիրապետելու համար ակտիվացնել շփումները բնակիչների հետ:
Ձեռագիրը նույնն էր: Հանցամիտը տուն էր մտնում միայն պատուհանով, գողանում բացառապես փող ու ոսկի: Առաջ քաշվեցին և ստուգվեցին տարբեր վարկածներ: Ստացված տեղեկությունների և փաստերի համադրությունը հուշում էր, որ բնակարանային գողություններն ու գողության փորձերը հնարավոր է կատարած լինի Մայակովսկի գյուղի 32-ամյա մի բնակիչ, որը նախկինում բնակարանային գողությունների համար դատապարտվել էր և ամիսներ առաջ էր քրեակատարողական հիմնարկից ազատվել:
Ձեռք բերված տեղեկությունների իսկությունը ստուգելուց հետո, նոյեմբերի 19-ին ոստիկանության Կոտայքի մարզային վարչության ծառայողների հետ համատեղ միջոցառումներով, բաժնի քրեական հետախույզները կասկածվողին Մայակովսկի գյուղից բերման ենթարկեցին ոստիկանության Կոտայքի բաժին:
Հետագա միջոցառումներով ոստիկանները պարզել են, որ հոկտեմբեր-նոյեմբեր ամիսներին 32-ամյա տղամարդը Աբովյան քաղաքի և Մայակովսկի գյուղի վարչական տարածքներում կատարել է ևս երկու բնակարանային գողություն և մեկ գողության փորձ:
Հանգամանքները պարզվում են:
Կասկածվողը տվել է խոստովանական բացատրություն և ձերբակալվել:
Նախաքննությունը շարունակվում է:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: