ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Բնակարանային գողություններ Մեծամորում. Վաղարշապատի ոստիկանների բացահայտումը

09.03.2021 15:20 Գողություն

Վերջին ամիսներին ոստիկանության Վաղարշապատի բաժնի սպասարկման տարածքում բնակարանային գողության դեպքեր էին արձանագրվել։ Անցած տարվա սեպտեմբերին մտել էին Մեծամոր գյուղի Չարենցի փողոցի առանձնատներից մեկն ու ննջարանի մահճակալի տակից գողացել 2 միլիոն դրամ ու 400 եվրո։ Այս տարվա հունվարի 29-ին փորձել էին Մեծամոր գյուղի մեկ այլ տնից գողություն անել։ Այս անգամ թիրախը Աբովյան փողոցի առանձնատներից մեկն էր։ Նախորդի պես տանտերերը տանը չէին եղել։ Նախ բակ էին մտել, ապա, տեխնիկական միջոց օգտագործելով, բացել էին խոհանոցի պատուհանը։ Փետրվարի 25-ին էլ, դարձյալ օգտվելով տանտերերի բացակայությունից և դարձյալ տեխնիկական միջոց օգտագործելով, բացել էին Մեծամոր գյուղի Շիրազի փողոցի տներից մեկի ննջասենյակի պատուհանը, մտել ներս ու 150 հազար դրամ գողացել։ Ոստիկանության Վաղարշապատի բաժնի տարբեր ստորաբաժանումներ սկսեցին տարաբնույթ միջոցառումներ ձեռնարկել։ Անչափահասների գործերով և ընտանիքում բռնության կանխարգելման բաժանմունքի ծառայողներին հաջողվեց տեղեկություններ ձեռք բերել՝ հանցագործությունները կատարած անձի ինքնության վերաբերյալ։ Մինչ այդ էլ փաստական տվյալներ էին ստացվել, որ գողություններն ու փորձը կատարել է նույն անձը։ Ոստիկանների օպերատիվ տեսադաշտում հայտնված անձը, որը Մեծամոր գյուղի բնակիչ է, մարտի 4-ին կասկածանքով բերման ենթարկվեց Վաղարշապատի բաժին, ապա ներկայացվեց տարածքային քննչական մարմնին։ Նա տվել է խոստովանական ցուցմունք։ Հարուցված քրեական գործի նախաքննությունը շարունակվում է։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: