Արմավիրի ոստիկանները գիշերային ծառայության ընթացքում գողության դեպքեր են բացահայտել

Դեկտեմբերի 16-ին, ժամը 5.30-ի սահմաններում, ոստիկանության Արմավիրի բաժնի ծառայողները գիշերային շրջիկ ծառայության ժամանակ Սարդարապատ գյուղում հայտնաբերել ու, գողություն կատարելու կասկածանքով, մի երիտասարդի բերման են ենթարկել բաժին։
Պարզվեց՝ նա նույն օրը, ժամը 4-ի սահմաններում, Նորապատ գյուղում գողացել էր ավտոլվացման կետի դրամարկղը: Րոպեների տարբերությամբ՝ Սարդարապատ գյուղի գազալցակայանում տեղադրված խաղային ապարատի դրամարկղից մետաղադրամներ էր հափշտակել, նույն գյուղի մի վաճառակետից էլ գողացել էր ՀԴՄ սարք և անասնակեր:
Քրեական հետախույզների ձեռնարկած միջոցառումներով գողոնը մասամբ հայտնաբերվել է:
Հանգամանքները քննությամբ պարզվում են։