Ճանապարհատրանսպորտային պատահարներ Հայաստանում

Դեկտեմբերի 27-ին, ժամը 20.20-ին, Արշակունյաց պողոտայում իրար են բախվել «Մերսեդես» և «Տոյոտա» մակնիշի ավտոմեքենաներ։ Վթարի հետևանքով «Տոյոտայի» 24-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***

Դեկտեմբերի 27-ին, ժամը 09.25-ին, «ԲՄՎ» ավտոմեքենան դուրս է եկել Սարալանջի 2-րդ փողոցի երթևեկելի գոտուց և բախվել պատին։ Վթարի հետևանքով 21-ամյա վարորդը և 20-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***

Դեկտեմբերի 27-ին, ժամը 14.05-ին, մարմնական վնասվածքներով հիվանդանոց բուժօգնության դիմած 49-ամյա կինը հայտնել է, որ վնասվածքները ստացել է Բաղրամյան պողոտայում՝ երթուղու միկրոավտոբուսի վարորդի արգելակելու պատճառով սրահում ընկելու հետևանքով:
Կատարվում է քննություն։

***

Դեկտեմբերի 27-ին, ժամը 08.10-ին, «Օպել» ավտոմեքենայի վարորդը Գյուրջյան փողոցում վրաերթի է ենթարկել 57-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Դեկտեմբերի 27-ին, ժամը 11.00-ի սահմաններում, Երևանյան փողոցում իրար են բախվել «Օպել» և «ՎԱԶ-2107» ավտոմեքենաներ։ Վթարի հետևանքով ստացած մարմնական վնասվածքներով «ՎԱԶ-2107»-ի վարորդն ու նրա 18-ամյա ուղևորը դիմել են հիվանդանոց:
Կատարվում է քննություն։

***

Դեկտեմբերի 27-ին, ժամը 10.00-ի սահմաններում, «Օպել Աստրա» ավտոմեքենայի վարորդը, Վանաձոր-Դիլիջան ճանապարհի 10-րդ կմ-ին կորցնելով մեքենայի կառավարումը, դուրս է եկել երթևեկելի գոտուց և կողաշրջվել։ Վթարի հետևանքով 31-ամյա ուղևորը մարմնական վնասվածքով դիմել է հիվանդանոց բուժօգնության։
Կատարվում է քննություն։

***

Դեկտեմբերի 27-ին, ժամը 16.00-ի սահմաններում, «ՎԱԶ-2107» մակնիշի ավտոմեքենան Սպիտակ-Գյումրի ճանապարհի 9-րդ կմ-ին մերկասառույցի պատճառով դուրս է եկել ճանապարհի երթևեկելի գոտուց և բախվել ճանապարհի բետոնե արգելապատնեշին։ Բախման հետևանքով ավտոմեքենան կողաշրջվել է, իսկ 61-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։