Պատահարներ Երևանում և հանրապետության ավտոճանապարհներին

Հունվարի 14-ին, ժամը 01.30-ին, Երևանի Աբովյան և Իսահակյան փողոցների խաչմերուկում «Միցուբիշի» մակնիշի ավտոմեքենան դուրս է եկել երթևեկելի գոտուց և բախվել խաչմերուկի ստորգետնյա անցման բետոնե պատնեշին, ինչի հետևանքով վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 14-ին, ժամը 12.50-ին, Երևանի Լենինգրադյան փողոցի թիվ 1/1 հասցեի դիմաց իրար են բախվել «Ֆոլքսվագեն» մակնիշի երկու, «Օպել» և «Ֆորդ» մակնիշի ավտոմեքենաներ:
«Ֆոլքսվագեն»-ներից մեկի ուղևորը և «Օպել»-ի ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունվարի 14-ին, ժամը 14.30-ին, «Ֆոլքսվագեն» մակնիշի ավտոմեքենան Երևանի Արշակունյաց պողոտայի թիվ 51 հասցեի դիմաց հետադարձ կատարող «ՎԱԶ-21099» մակնիշի ավտոմեքենային բախվելուց խուսափելու նպատակով մանևրել է աջ և բախվել կայանված «Հոնդայի» մակնիշի ավտոմեքենայի, այնուհետև` երկու ուղեմասերը միմյանցից բաժանող բետոնե պատնեշին:
«Ֆոլքսվագեն»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 14-ին, ժամը 09.50-ին, «Կիա» մակնիշի ավտոմեքենայի վարորդը Երևանի Կոմիտասի պողոտայի և Վրացական փողոցի խաչմերուկում վրաերթի է ենթարկել 46-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 14-ին, ժամը 18.50-ի սահմաններում, «Կիա Սոռենտո» մակնիշի ավտոմեքենայի վարորդը Արտաշատի Արարատյան փողոցի թիվ 5 շենքի դիմաց վրաերթի է ենթարկել 65-ամյա քաղաքացուհու և դիմել փախուստի:
Նույն օրը, ժամը 20.45-ին, վարորդը ներկայացել է բաժին և տվել խոստավանական բացատրություն:
Կատարվում է քննություն:

***
Հունվարի 14-ին, ժամը 18.20-ին, «ՎԱԶ 2107» մակնիշի ավտոմեքենայի վարորդը Հրազդանի Սպանդարյան փողոցի հացի արտադրամասի դիմաց վրաերթի է ենթարկել 61-ամյա տղամարդու, ով մարմնական վնասվածքներով տեղափոխվել է հիվանդանոց:
Կատարվում է քննություն: