Իջևանի ոստիկանները ապօրինի թմրաշրջանառության դեպքեր են բացահայտել

Ոստիկանության Իջևանի բաժնի ծառայողները ապօրինի թմրաշրջանառության երեք դեպք են բացահայտել։
Քրեական հետախույզները Այգեհովիտ գյուղում ձերբակալել են նույն գյուղի 37-ամյա մի բնակչի։ Նրա խուզարկությամբ հայտնաբերվել է 5 գրամից ավելի քաշով մարիխուանայի նմանվող զանգված։ Երկրորդ դեպքում ոստիկանները նույն գյուղի տներից մեկի նկուղում հայտնաբերել են 19 գրամից ավելի քաշով մարիխուանայի նմանվող զանգված։
Ապօրինի թմրաշրջանառության հերթական դեպքն էլ բաժնի քրեական հետախույզները բացահայտել են Գետահովիտ գյուղում։ 62-ամյա տղամարդու տանը հայտնաբերվել է 4 գրամից ավելի քաշով մարիխուանայի նմանվող դեղնականաչավուն զանգված։
Տարածքային քննչական վարչությունում նախաձեռնվել են քրեական վարույթներ։