Պաշտոնական Հայտարարություն Ուշադրություն Լրահոս Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Նախագծեր Հանրային քննարկումներ
Եռամսյակ Կիսամյակ Տարի
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
Հետախուզվում են
Համարանիշերի ցանկ

ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ


29.11.2016 09:46

Հպարտ ապրելու պատգամ սերունդներին (ՏԵՍԱՆՅՈՒԹ)

Հպարտ ապրելու պատգամ սերունդներին (ՏԵՍԱՆՅՈՒԹ)

Արցախյան ազատամարտի մասնակից Միլիցիայի հատուկ նշանակության ջոկատի շատ անդամների չվիճակվեց տեսնել հաղթանակը, չնայած նաեւ նրանց ջանքերով ձեռք բերվեց արժանապատիվ խաղաղությունը:
Անմահություն դարձած այդ տղաներին կարելի է այցի գնալ Եռաբլուր:
Միլիցիայի հատուկ նշանակության ջոկատի 4-րդ գումարտակի անդամ, միլիցիայի կրտսեր սերժանտ Գուրգեն Գաբրիելյանին մեր խոնարհումն էլ այնտեղ էր:
Եռաբլուրը սրբատեղի է: Այս լուսավոր բարձունքում այլ զգացողություն ես ունենում՝ Հայրենիքն ամեն ինչից առավել սիրելու յուրօրինակ զգացողություն...
Եռաբլուրի բարձունքում է հանգչում նաեւ միլիցիայի հատուկ նշանակության ջոկատի անդամ Գուրգեն Գաբրիելյանը...
Գուրգեն Գաբրիելյանը զոհվեց 1992 թվականի հուլիսի 18-ին, Մարտակերտում:
Հուլիսի 3-ին հակառակորդը նոր լայնածավալ հարձակում էր ձեռնարկել Մարտակերտի շրջանի ուղղությամբ:
Դրությունը ծայրաստիճան լարված էր հատկապես Մարտակերտ քաղաքի ու մի շարք գյուղերի ճակատներում:
Հարվածի գլխավոր ուղղություններում ուժերը վերախմբավորելով՝ մերոնք հակահարձակման անցան՝ ազատագրելով մի շարք գյուղեր: Միլիցիայի հատուկ նշանակության ջոկատի քառասուներկու մարտիկներ, միլիցիայի կապիտան Սպարտակ Նահապետյանի գլխավորությամբ, մասնակցում էին Մարտակերտի պաշտպանական, նաեւ Ումուլդլու, Դրմբոն, Զեյլիկ եւ Հաթերք գյուղերի ազատագրման մարտերին: Ջոկատը երեք ամիս մասնակցեց ամենաթեժ մարտերին՝ ավելացնելով իր պատմության հերոսական էջերը...
Ումուդլու գյուղի ազատագրման մարտերից մեկում զոհվեց Գուրգեն Գաբրիելյանը...
Միլիցիայի հատուկ նշանակության ջոկատի տղաները, կանգնելով ազատամարտիկների կողքին, մարտական հարուստ ու արժանապատիվ կենսագրություն գրեցին, որի աշխարհագրությունն ընդգրկում է Հայաստանի սահմանամերձ տարածքներն ու Արցախը: Նրանցից շատերն անմահացան՝ հպարտ ապրելու պատգամ թողնելով սերունդներին:
Գուրգեն Գաբրիելյանը հպարտ ապրելու պատգամ թողեց նաեւ որդուն՝ Գոռին: «Ես յոթ ամսական եմ եղել, երբ հայրս զոհվել է: Նրա մասին լսել եմ մորիցս, մարտական ընկերներից: Դեռ դպրոցական տարիներից որոշեցի, որ պետք է ընդունվեմ ոստիկանության համակարգ՝ շարունակելու հորս կիսատ թողած գործը: Գիտակցում եմ, որ մեծ պատասխանատվություն կա իմ ուսերին՝ Գուրգեն Գաբրիելյանի արժանի որդին լինել, նրա նման արժանարատվորեն ծառայել Հայրենիքին»,- ասում է ոստիկանության լեյտենանտ Գոռ Գաբրիելյանը:
Եռաբլուրը Հայրենիքն աչքի լույսի պես պահելու խորհրդանիշ է: Այստեղ նախեւառաջ այդ գերագույն խորհրդի հետ ես առնչվում...

Հասմիկ ՊՈԴՈՍՅԱՆ