ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

ԿԱՇԱՌԱԿԵՐՈՒԹՅՈՒՆ․ թեմատիկ անդրադարձ կոռուպցիոն ամենատարածված հանցագործությանը

Կոռուպցիոն ցանկացած դրսևորում իր հետևանքն է ունենում հասարակական կյանքի բոլոր ոլորտներում՝ սկսած կրթությունից, առողջապահությունից մինչև իրավապահ-դատական համակարգ։ Կոռուպցիան աստիճանաբար քայքայում, փչացնում է հասարակության առողջ օրգանիզմը։ Լատիներեն կոռուպցիան հենց այդպես էլ նշանակում է՝ քայքայում, փչացում, ապականում, այլասերում։ Կաշառելու գենետիկ նախատրամադրվածությունը, այսպես ասած՝ վերաբերմունքի դիմաց նյութապես հաճոյանալու պատրաստակամությունը մարդու մեջ ի հայտ է եկել պետության ստեղծումից  առաջ։  21-րդ դարում էլ մոտեցումները նույնն են, ակնկալիքներն են տարբեր։ Կոռուպցիոն բնույթի հանցագործությունները կատարվում են պաշտոնատար անձի կողմից՝ ծառայողական դիրքի ընձեռած հնարավորություններն օգտագործելով անձնական շահագրգռվածությունից կամ խմբային շահերից ելնելով և այլն։ Կոռուպցիայի ամենատարածված դրսևորումը կաշառակերությունն է։ Անհրաժեշտ է իմանալ, որ քրեորեն դատապարտելի է ոչ միայն կաշառք ստանալը, այլև կաշառք տալը, նույնիսկ խոստանալն ու առաջարկելը։ Այլ խոսքով՝ հանցագործությունն ավարտված է համարվում կա՛մ կաշառք տալու, կա՛մ կաշառք առաջարկելու, կա՛մ կաշառք խոստանալու պահից։ Որպես կաշառք կարող են հանդես գալ փողը, գույքը, գույքի նկատմամբ իրավունքը, արժեթղթերը կամ որևէ այլ առավելություն։  Այսինքն, եթե որպես կաշառք քաղաքացին անվճար նորոգի պաշտոնատար անձի բնակարանը, կամ իր միջոցներով վճարի նրա կոմունալ ծախսերը, ապառիկը, վարկը՝ այս դեպքում ևս հարցը տեղափոխվում է քրեական պատասխանատվության դաշտ։ Ի՞նչ կարող է անել քաղաքացին կաշառք տալու դեպքում քրեական պատասխանատվությունից ազատվելու համար։ Եթե ոչ ուշ, քան երեք օրվա ընթացքում այդ մասին կամավոր հայտնի իրավապահ մարմիններին և աջակցի հանցագործության բացահայտմանը, ապա կազատվի քրեական պատասխանատվությունից։ Իսկ եթե պաշտոնատար անձն է քաղաքացուն առաջարկում կաշառք տալ կամ պահանջում կաշառք, ապա քաղաքացին անվարան կարող է դիմել իրավապահ մարմիններին՝ այս դեպքում ևս նպաստելով հանցագործության բացահայտմանը։ Նման պարագայում օպերատիվ-հետախուզական գործունեության մասին  ՀՀ օրենքի հիման վրա այդ քաղաքացու մասնակցությամբ պաշտոնատար անձի նկատմամբ կարող է իրականացվել կաշառք տալու նմանակում օպերատիվ- հետախուզական միջոցառումը, ինչպիսիք ոստիկանության ծառայողների կողմից բազմիցս իրականացվել են և հանրայնացվել։ Այսինքն՝ ստեղծված են իրավական բոլոր մեխանիզմները՝ արատավոր երևույթի դեմ արդյունավետ պայքարելու համար։ Բայց երբ կաշառքը ձեռնտու է և՛ տվողին, և՛ վերցնողին, դեպքերը կարող են մնալ չբացահայտված։ Ուստի արատավոր երևույթի դեմ պետք է պայքարել ազգովի՝ աննահանջ հետևողականությամբ։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: