ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

ՊԱՐԶԱԲԱՆՈՒՄ

30.10.2015 14:17 Հանրաքվե
ՊԱՐԶԱԲԱՆՈՒՄ
www.galatv.am  կայքում «Ընտրողների թիվն ու ցուցակների անճշտությունները. Լավագույն ավանդույթ» վերտառությամբ հոդվածում Արամ Մանուկյանի կողմից արվել են հայտարարություններ, թե իբր Արաբկիրի 4-րդ և Շենգավիթի 11-րդ ընտրատեղամասերում ուսումնասիրության արդյունքում պարզվել է, որ ցուցակներում 3.000 հոգի ավելացել է, 10.000 հոգի ավելացել է յուրաքանչյուր ցուցակում, իսկ 7.000-ը հեռացել են, որից 2-ից 3 հազարը մահացածներ են:
Հայտարարության համաձայն «Հովհաննիսյան Գայանե», «Հարությունյան Անահիտ», «Գրիգորյան Արմեն» անուն, ազգանունով անձանց տվյալները կրկնվում են համապատասխանաբար 38, 37 և 36 անգամ:
Ոստիկանությունը պարզաբանում է:
Նախ անհրաժեշտ է նշել, որ Արաբկիրի 4-րդը և Շենգավիթի 11-րդը ոչ թե ընտրատեղամասեր են, այլ 2 ընտրատարածքներ, որոնց մեջ կան մի քանի ընտրատեղամասեր: 
2013թ. ՀՀ Նախագահի ընտրությունների և 2015թ. ՀՀ Սահմանադրության բարեփոխումների նախնական ցուցակներում ընդգրկված քվեարկությանը մասնակցող անձանց տարբերությունը Արաբկիրի ընտրատարածքում կազմում է 2.029, իսկ Շենգավիթի ընտրատարածքում՝ 2.253: Անհասկանալի են ցուցակներում 3.000, ինչպես նաև 10.000 անձի տարբերության մասով թվային վերլուծությունները, առանց հիմնավոր փաստարկների: 
Հիմնազուրկ են նաև վերլուծությունները 2.000-3.000 մահացած անձանց քանակի վերաբերյալ: Ոստիկանությունը բազմիցս պարզաբանել է, որ անձը մահվան կապակցությամբ բնակչության պետական ռեգիստրի հաշվառումից հանվում է այն դեպքում, երբ սահմանված կարգով գրանցվել է մահը: Առավել ևս, ներկայումս ՔԿԱԳ մարմնի և ՀՀ ոստիկանության միջև գործում է էլեկտրոնային կապ, համաձայն որի` մահը գրանցած մարմինը տեղում՝ էլեկտրոնային եղանակով անմիջապես անձին հանում է ռեգիստրի հաշվառումից: Բացի այդ, ոստիկանությունը ընտրական գործընթացների շրջանակներում տանում է ակտիվ աշխատանքներ այն մահացած անձանց տվյալները հայտնաբերելու, պարզելու և հաստատելու ուղղությամբ, որոնց մահը սահմանված կարգով չի գրանցվել իրավասու մարմնում, կամ անձը մահացել է օտարերկրյա պետությունում, և մահվան փաստի վերաբերյալ տեղեկատվությունը հասու չի եղել ՀՀ իրավասու մարմիններին: 
Ակնհայտ է, որ ցուցակներում «Հովհաննիսյան Գայանե», «Հարությունյան Անահիտ», «Գրիգորյան Արմեն» անուն-ազգանուններն ընտրվել են միտումնավոր, քանի որ դրանք Հայաստանի Հանրապետությունում տարածված անհատական տվյալներ են: 
Առարկայազուրկ և չհիմնավորված հայտարարություններ անելու փոխարեն կոչ ենք անում ուսումնասիրել հրապարակված նախնական ցուցակները և ՀՀ ընտրական օրենսգրքով սահմանված կարգով անճշտություններ հայտնաբերելու դեպքում դիմել ՀՀ ոստիկանություն: Յուրաքանչյուր դեպքով կասկած առաջանալու պարագայում պատրաստակամ ենք ցուցադրել նաև լուսանկարները, ինչպես և այլ անհատական տվյալներ, համոզվելու համար, որ ցուցակներում բացառվում են նույն անձի տվյալների մեկից ավելի առկայությունը: