Պատահարներ Երևանում և հանրապետության ավտոճանապարհներին

Մայիսի 25-ին, ժամը 18.30-ին, «Ֆորդ» մակնիշի ավտոմեքենայի վարորդը Երևանի Մայիսի 9-ի և Չեխովի փողոցների խաչմերուկում վրաերթի է ենթարկել 62-ամյա քաղաքացուհու, որը մարմնական վնասվածքներով տեղափոխվել է հիվանդանոց:

Կատարվում է քննություն:

 

***

Մայիսի 25-ին, ժամը 23.10-ին, հիվանդանոցից ոստիկանությունում հաղորդում է ստացվել, որ «գլխուղեղի ցնցում հարցականով և աջ ակնակապճի կոտրվծաք» ախտորոշմամբ   բուժօգնության է դիմել 67-ամյա մի կին: Նրա որդին բացատրություն է տվել, որ մայրը, նույն օրը, ժամը 17.00-ին, Երևանի Ծ.Իսակովի պողոտայում թիվ 44 երթուղու միկրոավտոբուսի արգելակման հետևանքով գլխով հարվածել է միկրոավտոբուսի դիմացի նստելատեղի երկաթին և ստացել վնասվածք:

Կատարվում է քննություն:

 

***

Մայիսի 25-ին, ժամը 11.45-ին, անհայտ ավտոմեքենայի վարորդը Երևանի Տիգրան Մեծի պողոտայի թիվ 59 շենքի դիմաց վրաերթի է ենթարկել 24-ամյա երիտասարդի և պատճառելով վնասվածքներ` հեռացել է:

Նույն օրը, ժամը 20.10-ին, տուժողը բուժօգնության է դիմել հիվանդանոց:

Կատարվում է քննություն:

 

***

Մայիսի 25-ին, ժամը 12.15-ին, «Օպել» մակնիշի ավտոմեքենայի վարորդը Երևանի Գյուրջյան փողոցի թիվ 8 շենքի մոտ վրաերթի է ենթարկել 10-ամյա տղայի, որը վնասվածքներով տեղափոխվել է հիվանդանոց:

Կատարվում է քննություն:

 

***

Մայիսի 25-ին, ժամը 19.00-ի սահմաններում, «ՎԱԶ-2121» մկնիշի ավտոմեքենան Ալագյազ- Արթիկ ավտոճանապարհի 21-րդ կմ-ին բախվել է «Օպել Վեկտրա» մակնիշի ավտոմեքենային:

«ՎԱԶ-2121»-ի վարորդը մարմնական վնասվածքով տեղափոխվել է հիվանդանոց:

Կատարվում է քննություն:

 

***

Մայիսի 25-ին, ժամը 15.00-ին, «Օպել Աստրա» մակնիշի ավտոմեքենայի վարորդը Վանաձորի Ներսիսյան նրբանցքի թիվ 7 շենքի բակում վրաերթի է ենթարկել 4-ամյա տղայի և տեղափոխել նրան հիվանդանոց:

Կատարվում է քննություն:

 

***

Մայիսի 25-ին, ժամը 23.00-ի սահմաններում, «Օպել» մակնիշի ավտոմեքենան Կոտայքի մարզում` Զառ-Ակունք ճանապարհին, դուրս է եկել երթևեկելի մասից և կողաշրջվել:

Վարորդը մարմնական վնասվածքով դիմել է հիվանդանոց:

Կատարվում է քննություն:

 

***

Մայիսի 25-ին, ժամը 21.00-ի սահմաններում, «ՎԱԶ-21099» մակնիշի ավտոմեքենան Տավուշի մարզում` Գոշ գյուղի մոտակայքում, բախվել է ճամփեզրի արգելապատնեշին, ինչի հետևանքով ուղևորը  մարմնական վնասվածքով տեղափոխվել է հիվանդանոց:

Կատարվում է քննություն: