ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

ՀՀ ոստիկանության ներքին անվտանգության վարչության կողմից 2015 թվականի ընթացքում իրականացված աշխատանքների ամփոփ վիճակագրություն

 ՀՀ ոստիկանության ներքին անվտանգության վարչության կողմից 2015 թվականի ընթացքում իրականացված աշխատանքների ամփոփ վիճակագրություն

2015 թ. ընթացքում ՀՀ ոստիկանության ներքին անվտանգության վարչությունում կատարվել են 586 ծառայողական քննություններ և ուսումնասիրություններ, այդ թվում 3-ը՝ ոստիկանության այլ ծառայությունների հետ համատեղ:
Վարչության կատարած ծառայողական քննությունների արդյունքներով՝ ոստիկանության 168 ծառայողներ ենթարկվել են կարգապահական տույժերի.
- հայտարարվել է նկատողություն` 62,
- հայտարարվել է խիստ նկատողություն` 60,
- պաշտոնն իջեցվել է մեկ աստիճանով` 3,
- կոչումն իջեցվել է մեկ աստիճանով` 1,
- ազատվել են ոստիկանությունում ծառայությունից` 42:

ՀՀ ոստիկանության ծառայողների կողմից թույլ տրված օրինախախտումների փաստերով 2015 թ. ընթացքում ներքին անվտանգության վարչության կողմից նախապատրաստվել ու ՀՀ հատուկ քննչական ծառայության և նախաքննական այլ մարմինների քննարկմանն են ուղարկվել ծառայողական քննության 25 նյութեր:

Հաշվետու ժամանակահատվածում իրականացվել են մի շարք այլ աշխատանքներ, այդ թվում՝ ուսումնասիրվել և ամփոփվել են.
- ՀՀ ոստիկանության համակարգի ծառայողների կողմից կատարված իրավախախտումների և կիրառված կարգապահական տույժերի վերաբերյալ տեղեկատվությունը,
- ՀՀ ոստիկանության ծառայողների կողմից կատարված հանցագործությունների վերաբերյալ ստացված տեղեկատվությունը:

2015 թվականի ընթացքում ՀՀ ոստիկանության ծառայողների կողմից իրավախախտումներ թույլ տալու կապակցությամբ կատարվել են 1584 ծառայողական քննություններ, որոնց արդյունքներով 920 ծառայողներ ենթարկվել են կարգապահական տույժերի, այդ թվում նրանցից 75-ը կարգապահական տույժի կարգով ազատվել են ոստիկանությունում ծառայությունից:
Ոստիկանության ծառայողների կողմից թույլ տրված տարբեր օրինախախտումների փաստերով հարուցվել են 31 քրեական գործեր՝ 41 անձի վերաբերյալ: 12 անձի վերաբերյալ 11 նյութերով քրեական գործի հարուցումը մերժվել է ոչ արդարացման հիմքով: Ոստիկանության 12 ծառայողներ դատապարտվել են:

2015 թվականի սեպտեմբերի 25-ի թիվ 2180-Ա հրամանով ներքին անվտանգության վարչությանն է հանձնարարվել ՀՀ ոստիկանության կարգապահական հանձնաժողովի կազմում ընդգրկելու նպատակով հասարակական միավորումների թեկնածուներին ընտրելու, կարգապահական կոպիտ խախտումների առիթով իրականացված ծառայողական քննության նյութերը նշված հանձնաժողովին ներկայացնելու և նիստերի հետ կապված կազմակերպչական աշխատանքներն իրականացնելու գործառույթը:

2015 թվականի ընթացքում ՀՀ ոստիկանությունում հրավիրվել են ոստիկանության կարգապահական հանձնաժողովի 4 նիստեր, որոնց ընթացքում Հանձնաժողովի կողմից քննարկվել են ոստիկանության 14 ծառայողների վերաբերյալ իրականացված ծառայողական քննությունների 12 նյութեր:
Նիստերի ընթացքում Հանձնաժողովը որոշել է միջնորդել ՀՀ ոստիկանության պետին՝ 13 ծառայողների նկատմամբ կիրառել «ոստիկանությունից ազատում», իսկ 1 ծառայողի նկատմամբ՝ «պաշտոնի իջեցում մեկ աստիճանով» կարգապահական տույժերը:

ՆԵՐՔԻՆ ԱՆՎՏԱՆԳՈՒԹՅԱՆ ՎԱՐՉՈՒԹՅՈՒՆ