Հրազդանի ոստիկանները գողության փորձ են բացահայտել

Ոստիկանության Հրազդանի բաժնի ծառայողները օպերատիվ տեղեկություն են ստացել, որ Հրազդան քաղաքի 55-ամյա մի բնակիչ սեպտեմբերի 9-ին, ժամը 19.00-ի սահմաններում, 2-րդ հարկի պատշգամբի դուռը հրել բացելով՝ մուտք է գործել Կենտրոն թաղամասում գտնվող առանձնատուն և կատարել գողություն:
Ձեռնարկված օպերատիվ-հետախուզական միջոցառումների շնորհիվ սեպտեմբերի 11-ին, ժամը 09.40-ին, գողությունը կատարելու կասկածանքով, Վանատուր թաղամասից բերման է ենթարկվել կասկածյալը: Նա խոստովանել է, որ սեպտեմբերի 9-ին մտել է Կենտրոն թաղամասի Տիգրան Մեծի փողոցում գտնվող եռահարկ տուն և գողացել 2 փաթույթ պղնձե մալուխ, որը տանելու նպատակով նետել է դռնից դուրս, սակայն նկատվել է տանտիրոջ կողմից և ոչինչ չգողանալով՝ հեռացել է:
Նախապատրաստվում են նյութեր: