ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Տեղի ունեցավ ոստիկանության կարգապահական հանձնաժողովի հերթական նիստը (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

26.09.2015 13:14 Միջոցառումներ
Տեղի ունեցավ ոստիկանության կարգապահական հանձնաժողովի հերթական նիստը (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

Սեպտեմբերի 25-ին տեղի ունեցավ ոստիկանության կարգապահական հանձնաժողովի հերթական նիստը, որը վարում էր ոստիկանության պետի առաջին տեղակալ Հունան Պողոսյանը:
Ոստիկանությունը շարունակում է հետևողական աշխատանքը անձնակազմի մասնագիտական և անձնային որակների կատարելագործման, կարգապահության մակարդակի բարձրացման, օրինականության խախտումների բացառման ուղղությամբ: Ոստիկանության պետ Վլադիմիր Գասպարյանը բազմիցս ընդգծել է՝ բարեփոխումների երկրորդ փուլում գտնվող համակարգն առաջին հերթին է շահագրգռված ազատվելու բոլոր նրանցից, ովքեր ապօրինի գործողություններով արատավորում են ոստիկանության հեղինակությունը, ոստիկանի պատիվը, խոչընդոտում հանրային վստահության ամրապնդման ընթացքին:
Այս խնդիրների լուծմանը կոչված կարևոր կառույցներից մեկի՝ ոստիկանության կարգապահական հանձնաժողովի հերթական նիստին մասնակցում էին ոստիկանության շտաբի, իրավաբանական, հասարակական կարգի և անվտանգության ապահովման, ներքին անվտանգության վարչությունների պետերը, ՀՀ կառավարության պետաիրավական վարչության պետը և հանձնաժողովի կազմում ընդգրկված 5 հասարակական միավորումների ներկայացուցիչները:
Հանձնաժողովի նիստն ընթացավ ՀՀ կառավարության կողմից սահմանված ընթացակարգով: Օրակարգի համաձայն՝ հանձնաժողովը քննության առավ կարգապահական կոպիտ խախտումներ թույլ տալու մեջ մեղադրվող՝ Պետական պահպանության գլխավոր վարչության մեկ և Ճանապարհային ոստիկանության 2 ծառայողների նկատմամբ իրականացված ծառայողական քննության նյութերն ու դրանց վերաբերյալ կազմված եզրակացությունները:
Հանձնաժողովը, ուսումնասիրելով նյութերը, համապատասխան փաստական հանգամանքները պարզելուց հետո, «ՀՀ ոստիկանության կարգապահական կանոնագիրքը հաստատելու մասին» ՀՀ օրենքի համապատասխան հոդվածի համաձայն որոշում կայացրեց միջնորդել ոստիկանության պետին` ոստիկանության երեք ծառայողներին կարգապահական պատասխանատվության ենթարկելու համար: Ընդ որում, նրանցից երկուսի նկատմամբ առաջարկվեց կիրառել «Ոստիկանությունից ազատում» կարգապահական տույժը: