Էրեբունու ոստիկանները բնակարանային գողության դեպքեր են բացահայտել․ մեկ անձ ձերբակալվել է (ՏԵՍԱՆՅՈՒԹ)

Սեպտեմբերի 12-ին ոստիկանության Էրեբունու բաժնում բնակարանային գողության վերաբերյալ հաղորդում ստացվեց։ Անհայտ անձը Երևանի մի բնակչուհու տնից հափշտակել էր 600 հազար դրամ ու մոտ 1500 դոլարի ոսկյա զարդեր։
Ոստիկանության Էրեբունու բաժնի քրեական հետախույզները, համագործակցելով ոստիկանության Երևան քաղաքի վարչության քրեական հետախուզության բաժնի ծառայողների հետ, բացահայտեցին հանցագործությունը։ Սեպտեմբերի 19-ին բնակարանային գողությունը կատարելու կասկածանքով Էրեբունու բաժին բերման ենթարկվեց Հրազդանի բնակիչ, 25-ամյա մի երիտասարդ։ Հետագա միջոցառումներվ պարզվեց, որ բերման ենթարկվածը բացի հիշյալ դեպքից դարձյալ Էրեբունիում արել է այլ բնակարանային գողություններ ու գողության փորձեր։
Երիտասարդը ձերբակալվել է։
Դեպքերի հանգամանքները քննությամբ պարզվում են։