ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

«ՀԺ»-ի հրապարակումների կապակցությամբ

04.04.2013 13:19 Պարզաբանում
Չնայած լրագրողական կոռեկտությունը պահելու և ճշմարտախոս լինելու մեր բազմաթիվ հորդորներին ու կոչերին, «Հայկական ժամանակ» օրաթերթը շարունակում է ապատեղեկատվությամբ մոլորության մեջ գցել ընթերցողին ու հասարակությանը: 
Հերթականը այս թերթի ապրիլի 4-ի համարի «Թափուր տեղեր» հրապարակումն է: Թերթը պնդում է, թե ոստիկանության Իջևանի բաժնում ներկայումս 60 թափուր աշխատատեղ կա, և այդ տեղերը չի հաջողվում համալրել, քանի որ մարդիկ հրաժարվում են ոստիկանությունում ծառայելուց: 
Իրականում` ոստիկանության Իջևանի բաժնում կա 62 հաստիք, որից 3-ն է թափուր, իսկ Իջևանի քննչական բաժանմունքում՝ քննիչի 7 հաստիք, որից թափուր է1-ը: 
Համեմատեք թվերը և ինքներդ եզրակացություն արեք սույն թերթի ազնվության աստիճանի մասին: Եվ ընդհանրապես, եզրակացություն արեք ոմանց անթաքույց չարակամության, «Որքան վատ, այնքան լավ» սկզբունքով գործելու, կեղծ իրականություն պատկերելու ջանքերի մասին: Բացի այդ, գոնե «ՀԺ»-ն պետք է ձեռնպահ մնար վերջին շրջանում աշխատակիցների հեռանալու մասին բարձրաձայնելուց: Ինչևէ:
 Մարդկանց նույնիսկ ողբերգությունը չի զսպում, օրինակ, նույն համարում («Չի բացահայտվել») գրում են, թե Պռոշյանի գյուղապետ Հրաչ Մուրադյանի սպանության գործով «իրավապահներին ոչ մի «զացեպկա» գտնել չի հաջողվել» ու չեն թաքցնում հրճվանքը: Բայց ինչ կա ուրախանալու. ծանր հանցագործություն է կատարվել, որի շուտափույթ բացահայտումը ողջ հասարակության ցանկությունն ու պահանջն է և ոստիկանության պարտականությանը, որն, ի դեպ, հստակ են կատարում: 
Հատուկ «ՀԺ»-ի և իր «աղբյուրների» համար հայտնում ենք, որ ապրիլի 2-ին Կոտայքի մարզի Պռոշյան գյուղում կատարված` նույն գյուղի գյուղապետ Հրաչ Մուրադյանի սպանության փաստով հարուցված քրեական գործի նախաքննության շրջանակներում հարցաքննվել են մի քանի տասնյակ անձինք, կատարվել են քննչական համալիր փորձարարություններ և դեպքի վայրի լրացուցիչ զննություն: Ոստիկանության տարբեր ստորաբաժանումների փոխգործակցված միջոցառումների արդյունքում՝ հանցագործությունը կատարելու կասկածանքով կան ձերբակալվածներ: Ձեռնարկվում են անհրաժեշտ օպերատիվ-հետախուզական և քննչական միջոցառումներ սպանության դեպքի բոլոր հանգամանքները պարզելու նպատակով: Քրեական գործի նախաքննությունը շարունակվում է:
Ամեն ինչ շատ պարզ է ու հասարակ. մի կողմից` ոստիկանության հետևողական ու մանրակրկիտ աշխատանք` համապատասխան արդյունքներով, մյուս կողմից` չարախնդացողների` իրողությունները սև գույով ներկայացնելու մոլուցք: Կարծում ենք, որ «ՀԺ»-ն այսուհետ ձեռնպահ կմնա մերժելի գործելակերպից, կասկածելի աղբյուրներից, և կրկին կոչ ենք անում` չարությամբ մի´ վնասեք ինքներդ ձեզ, մութ սև սենյակում կատու մի´ փնտրեք, սրտացավ ու առողջ քննադատության համար էլ մեծ ասպարեզ կա, և իրական թերությունները կշտկվեն միայն ազնիվ համագործակցության դաշտում: