Ճանապարհատրանսպորտային պատահարներ հանրապետությունում

Հուլիսի 9-ին, ժամը 18.30-ին, Երևանի Արշակունյաց պողոտայում «Մերսեդես» մակնիշի ավտոմեքենայի վարորդը վրաերթի է ենթարկել 46-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Հուլիսի 8-ին, ժամը 23.40-ինխ Երևանի Դավիթ Բեկի փողոցում իրար են բախվել «Համմեր» և «ՎԱԶ-21093» մակնիշի ավտոմեքենաներ. «ՎԱԶ-21093»-ի 29-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Հուլիսի 10-ին, ժամը 00.15-ի սահմաններում, Արագածոտնի մարզի Ոսկեվազ գյուղում «ՎԱԶ-2106» մակնիշի ավտոմեքենան բախվել է «Օպել» մակնիշի ավտոմեքենայի, այնուհետև ախվել ճամփեզրի ընկուզենուն. «ՎԱԶ-2106»-ի 30-ամյա վարորդը և «Օպել» -ի 44-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Հուլիսի 9-ին, ժամը 08.55-ին, Մարտունի-Վարդենիս-Քարվաճառ ճանապարհի 9-րդ կմ-ին իրար են բախվել «ՎԱԶ-2105» և «Օպել» մակնիշի ավտոմեքենաներ. «Օպել»-ի երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Հուլիսի 9-ին, ժամը 11.20-ի սահմաններում, Լոռու մարզում՝ Մ-6 միջպետական ճանապարհի 59-րդ կմ-ին, «Ֆորդ Տրանզիտ» մակնիշի ավտոմեքենան բախվել է ճամփեզրին կայանված «ԶԻԼ» մակնիշի ավտոմեքենային. «Ֆորդ Տրանզիտ»-ի չորս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Հուլիսի 10-ին, ժամը 01.00-ի սահմաններում, Սպիտակ-Երևան ճանապարհի 17-րդ կմ-ին «Միցուբիշի Գալանտ» մակնիշի ավտոմեքենան դուրս է եկել երթևեկելի մասից և ընկել ձորակը. 22-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Հուլիսի 9-ին, ժամը 18.45-ի սահմաններում, Հրազդան-Զովաբեր ճանապարհին «Մերսեդես» մակնիշի ավտոմեքենան բախվել է կայանված «Տոյոտա» մակնիշի ավտոմեքենային. վարորդները և «Մերսեդես»-ի 60-ամյա ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն։

***
Հուլիսի 9-ին, ժամը 07.00-ի սահմաններում, «ԲՄՎ-520» մակնիշի ավտոմեքենան Կապանի Սպանդարյան փողոցում դուրս է եկել երթևեկելի գոտուց և բախվել ծառին ու էլեկտրասյանը. 22-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Հուլիսի 9-ին, ժամը 22.30-ի սահմաններում, Երևան-Մեղրի M-2 ճանապարհի 324-րդ կմ-ին «Մերսեդես-Բենց C180» մակնիշի ավտոմեքենան բախվել է քարերին և կողաշրջվել. 24-ամյա վարորդը և 27-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։