Էրեբունու ոստիկանները բացահայտել են բնակարանային գողության փորձը

Սեպտեմբերի 13-ին, ժամը 19.30-ին, ոստիկանության Էրեբունու բաժնում բնակարանային գողության վերաբերյալ հաղորդում էր ստացվել։ Մեկնած օպերատիվ խմբի ծառայողները պարզել են, որ ժամը 09.00-ից 19.00-ն ընկած ժամանակահատվածում, անհայտ անձը կամ անձինք տեխնիկական միջոցների գործադրմամբ բացել են Արցաղի փողոցի շենքերից մեկի առաջին հարկի բնակարանի պատուհանը, փորձել գողություն կատարել, սակայն իրենց կամքից անկախ հանգամանքներում հանցագործությունն ավարտին չեն հասցրել: Էրեբունու քրեական հետախույզների ձեռնարկած միջոցառումների շնորհիվ պարզվել է, որ գողության փորձը կատարել է Արցախի փողոցում ապրող 16-ամյա մի պատանի։ Նա բերման է ենթարկվել ոստիկանություն և տվել խոստովանական բացատրություն:
Կատարվում է քննություն: