Պատահարներ Երևանում և հանրապետության ավտոճանապարհներին

Նոյեմբերի 30-ին, ժամը 08.40-ին, Երևան քաղաքի 16-րդ թաղամասի թիվ 26 շենքի դիմաց իրար են բախվել «Հոնդա» և «Օպել» մակնիշի ավտոմեքենաներ:
Պատահարի հետևանքով «Օպել»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 30-ին, ժամը 16.30-ին, «Մերսեդես Բենց Տ 500» մակնիշի ավտոմեքենան Երևան քաղաքի Կոմիտասի պողոտայի և Գրիբոյեդովի փողոցի խաչմերուկում բախվել է էլեկտրասյանը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***

Նոյեմբերի 30-ին, ժամը 21.30-ի սահմաններում, «ԳԱԶ-2752» մակնիշի ավտոմեքենան Մարգարա-Վանաձոր-Տաշիր ճանապարհի 65-րդ կ/մ-ին բախվել է «ԴԱՖ» մակնիշի բեռնատար ավտոմեքենայի:
«ԳԱԶ-2752»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Նոյեմբերի 30-ին, ժամը 20.10-ի սահմաններում, Մարտունի-Վարդենիս ճանապարհի 5.4 կ/մ-ին իրար են բախվել «Մերսեդես» և «Միցուբիշի» մակնիշի ավտոմեքենաներ:
«Միցուբիշի»-ի ուղևորը մարմնական վնասվածքով տեղափոխվել է հիվանդանոց:
Կատարվում է քննություն:

***
Նոյեմբերի 30-ին, ժամը 20-ի սահմաններում, «Օպել Վեկտրա» մակնիշի ավտոմեքենան Երևան-Իջևան ճանապարհի 53-րդ կ/մ-ին գլխիվայր շրջվել է, ինչի հետևանքով ուղևորուհին մարմնական վնասվածքներով տեղափոխվել է հիվանդանոց:
Դեկտեմբերի 1-ին ժամը 01.15-ին, բուժօգնության է դիմել նաև վարորդը:
Կատարվում է քննություն:
***

Նոյեմբերի 30-ին, ժամը 19.05-ի սահմաններում, «Հունդաի Էլանտրա» մակնիշի ավտոմեքենայի վարորդը Վանաձորի Տիգրան Մեծի պողոտայի թիվ 21/1 հասցեի դիմաց վրաերթի է ենթարկել 49-ամյա քաղաքացուհու և տեղափոխել նրան հիվանդանոց:
Կատարվում է քննություն:

***
Դեկտեմբերի 1-ին, ժամը 00.10-ի սահմաններում, «Մազդա Ատենզա» մակնիշի ավտոմեքենան Վանաձոր քաղաքի Բանակի և Մյասնիկյան փողոցների խաչմերուկում բախվել է ճամփեզրի ծառին, ինչի հետևանքով վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Նոյեմբերի 30-ին, ժամը 09.00-ի սահմաններում, Առինջ գյուղում գտնվող հյուրանոցի բակում «ՎԱԶ-2106» մակնիշի ավտոմեքենան ինքնաբերաբար շարժվել է, վարորդը փորձել է ավտոմեքենան կանգնեցնել, ինչի արդյունքում մնացել է ավտոմեքենայի և պատի արանքում և մարմնական վնասվածքով տեղափոխվել հիվանդանոց:
Կատարվում է քննություն:

***
Նոյեմբերի 30-ին, ժամը 15.45-ի սահմաններում, «Վոլվո» մակնիշի բեռնատար ավտոմեքենան Երևան-Գյումրի-Բավրա ճանապարհի 148.5 կ/մ-ին կողաշրջվել է:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն: