ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Փորձել են հափշտակել հաշվեցուցակային զենքը

Հուլիսի 31-ին, ժամը 16.52-ին, ոստիկանության Բազումի բաժնի ՔՀԲ օ/լ, ոստիկանության ավագ լեյտենանտ Արման Ֆնդկյանից Բազումի բաժին հաղորդում է ստացվել, որ իրեն է զանգահարել Ուսանողական փողոցի  4-րդ շենքի բնակչուհի Լ. Պ.-ն և հայտնել, որ հարևանը` 1984 թ. ծնված, նախկինում 6 անգամ դատապարտված Վլադիմիր Գ.-ն, ով հաշվառված է Լոռու մարզի հոգենյարդաբուժական դիսպանսերում «անձի և վարքի օրգանական խանգարում կոնգիտիվ անբավարարությամբ» ախտորոշմամբ, մտել է իրենց հարևանի բնակարան, անչափահաս երեխաների առջև կտրում է թևերը և սպառնում նրանց, միաժամանակ Ա. Ֆնդկյանը հայտնել է, որ ինքը մեկնում է դեպքի վայր և խնդրում է օպերատիվ խումբ ուղարկել: 
Ա. Ֆնդկյանին դեպքի վայրում Լ. Պ.-ն հայտնել է, որ թևերը վնասելուց հետո Վլադիմիր Գ.-ն գնացել է իրենց տուն` հետը տանելով դանակը:
Վլադիմիր Գ.-ի և վերջինիս մոր` 1958 թ. ծնված Նելլի Գ.-ի թույլտվությամբ Արման Ֆնդկյանը ներս է մտել նրանց բնակարան, որտեղ տանտերերը նրա հետևից երկաթյա ձողով փակել են դուռը, Վլադիմիր Գ.-ն հարձակվել է Ա. Ֆնդկյանի վրա` փորձելով տիրանալ նրա զենքին, մյուս ձեռքը մեկնել է դեպի դանակը` մորից պահանջելով հարվածի Ա. Ֆնդկյանին:  Այդ պահին Նելլի Գ.-ն աթոռով հարվածել է Ա. Ֆնդկյանի գլխին և մարմնի տարբեր մասերին` պատճառելով մարմնական վնասվածքներ:  Ա. Ֆնդկյանը, ընկնելով հատակին, փորձել է կանխել նրանց կողմից իր զենքին տիրանալու փորձը, իր մոտ գտնվող հաշվեցուցակային ատրճանակով 2 անգամ նախազգուշական կրակոցներ է արձակել տան հատակին, սակայն նրանք շարունակել են բռնություն գործադրել նրա նկատմամբ:
Ա.Ֆնդկյանի կողմից արձակված երրորդ կրակոցը դիպել է Վլադիմիր Գ.-ի ոտքին:
Դեպքի վայր մեկնած օպերատիվ խումբը փորձել է բանակցությունների միջոցով Վլադիմիր Գ.-ին և Նելլի Գ.-ին համոզել, որպեսզի բացեն տան դուռը, սակայն վերջիններս չեն արձագանքել նրանց հորդորներին: Ներսից լսելով Վլադիմիր Գ.-ի սպառնալիքները` ուղղված Ա.Ֆնդկյանին, որ կսպանի վերջինիս, օպերատիվ խմբի անդամները փորձել են ջարդելով բացել մուտքի դուռը, սակայն Նելլի Գ.-ն, հասկանալով, որ այլ ելք չկա, բացել է դուռը:
Նելլի Գ.-ն բերման է ենթարկվել ոստիկանության Բազումի բաժին, իսկ Արման Ֆնդկյանը և Վլադիմիր Գ.-ն մարմնական վնասվածքներով տեղափոխվել են հիվանդանոց:
Նշանակվել են դատաբժշկական և դատաձգաբանական փորձաքննություններ:
Վլադիմիր Գ.-ն և Նելլի Գ.-ն ձերբակալված են:
Ոստիկանության Լոռու մարզային վարչության պետի կողմից նշանակվել է ծառայողական քննություն:
Կատարվում է քննություն:
`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: