Պաշտոնական Հայտարարություն Ուշադրություն Համակարգ Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Նախագծեր Հանրային քննարկումներ
Եռամսյակ Կիսամյակ Տարի
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
Հետախուզվում են
Համարանիշերի ցանկ

ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ


27.09.2017 10:41

ՊԱՐԶԱԲԱՆՈՒՄ

ՊԱՐԶԱԲԱՆՈՒՄ

2017թ. օգոստոսի 26-ին «Հրապարակ» օրաթերթում տպագրվել էր «Սիսիանի քաղաքապետի մարդիկ տաքսի ծառայության տնօրենի՞ են ծեծել. Քաղաքապետի ոստիկանապետ ազգականը կոծկու՞մ է դեպքը» վերտառությամբ հոդված այն մասին, որ Սիսիան քաղաքում կայանալիք խոշորացված համայնքների ղեկավարների ընտրության կապակցությամբ գործող քաղաքապետի կողմնակիցների և հակառակ կողմի ներկայացուցիչների միջև օրեր առաջ տեղի են ունեցել վիճաբանություններ, իսկ դրանցից մեկի ժամանակ՝ նաև ավտովթար: Արդյունքում՝ քաղաքի բնակիչներից մեկը մարմնական վնասվածքներ է ստացել, սակայն դեպքը ոստիկանության Սիսիանի բաժնում չի հաշվառվել, քանի որ բաժնի պետը քաղաքապետ Արթուր Սարգսյանի կնոջ եղբայրն է:
Բացի այդ, Ա. Սարգսյանի մտերիմ Ս. Հ.-ն 7-8 անձանց հետ ծեծի է ենթարկել նույն քաղաքում գործող տաքսի ծառայության տնօրեն Կ. Հ.-ին, որին ծանր մարմնական վնասվածքներով տարել են տուն:
ՀՀ ոստիկանության ներքին անվտանգության վարչությունում կատարված ուսումնասիրությամբ պարզվել է, որ ոստիկանության Սիսիանի բաժնից տրված օպերատիվ հաղորդագրության համաձայն՝ 2017 թ. հունիսի 19-ին, ժամը 23:55-ին, անհայտ քաղաքացին ահազանգով հայտնել է, որ Սիսիան-Բռնակոթ ճանապարհահատվածում մի խումբ անձինք վիճաբանում են:
Բացի այդ, հունիսի 20-ին, ժամը 00:40-ին և 01:30-ին, Աղիտուի զինվորական հոսպիտալից հաղորդումներ են ստացվել, որ տարբեր մարմնական վնասվածքներով բուժօգնության են դիմել Սիսիան քաղաքի բնակիչներ Ռ. Ս.-ն ու Վ. Մ.-ն:
Ձեռնարկված օպերատիվ-հետախուզական միջոցառումներով պարզվել է, որ հունիսի 19-ին, ժամը 23:30-ի սահմաններում, հիշյալ վայրում տեղի է ունեցել վիճաբանություն և ծեծկռտուք: Այդ ընթացքում նույն քաղաքի բնակիչ Վ. Մ.-ն իր վարած ավտոմեքենան տեղաշարժելիս վրաերթի է ենթարկել Ռ. Ս.-ին և անզգուշությամբ պատճառել մարմնական վնասվածքներ:
Ոստիկանության Սիսիանի բաժնից ստացված տեղեկանքի համաձայն՝ հիշյալ դեպքի կապակցությամբ նախապատրաստված նյութերով պարզվել է, որ վիճաբանության և ծեծկռտուքի ընթացքում Վ. Մ.-ն, անհայտ անձի կողմից հարվածներ ստանալով, իր վարած «Վազ 21061» մակնիշի ավտոմեքենայով փորձել է փախուստի դիմել, ինչի հետևանքով տեղի է ունեցել նշված վրաերթը:
Պարզվել է նաև վիճաբանությանը ներկա գտնված անձանց տվյալները, իսկ մարմնական վնասվածքներ ստացածների նկատմամբ նշանակվել են դատաբժշկական փորձաքնություններ:
2017թ. հունիսի 22-ին նախապատրաստված նյութերը Սյունիքի մարզի դատախազության միջոցով ուղարկվել են ՀՀ ՔԿ Սյունիքի մարզային քննչական վարչության Սիսիանի քննչական բաժին, որտեղ 2017թ. հունիսի 29-ին ՀՀ քրեական օրենսգրքի 258-րդ հոդվածի 3-րդ մասի 1-ին կետով հարուցվել է քրեական գործ:
Նախաքննությունը շարունակվում է:
Ոստիկանության Սիսիանի բաժնի հետաքննության գծով ավագ տեսուչ, ոստիկանության կապիտան Ռազմիկ Հակոբյանը տված բացատրությամբ հայտնել է, որ 2017թ. օգոստոսի 28-ին «Հրապարակ» օրաթերթի ինտերնետային կայքից տեղեկացել է, որ Ս. Հ.-ն 7-8 անձանց հետ ծեծի են ենթարկել Կ. Հ.-ին:
Վերոգրյալի մասին զեկուցել է բաժնի պետին և նրա հանձնարարությամբ նույն օրն այն գրանցվել է հանցագործությունների մասին հաղորդումների հաշվառման թիվ 1 գրքում: Իր կողմից նախապատրաստվել են նյութեր, որոնց շրջանակներում Կ. Հ.-ն ժխտել է Ս. Հ.-ի կամ որևէ այլ անձի կողմից ծեծի ենթարկվելու հանգամանքն ու հավելել, որ մտերիմ հարաբերությունների մեջ է գտնվում վերջինիս և քաղաքապետ Արթուր Սարգսյանի հետ:
Վերոհիշյալը տված բացատրությամբ հաստատել է Ս. Հ.-ն:
2017թ սեպտեմբերի 7-ին որոշում է կայացվել քրեական գործ հարուցելը մերժելու մասին՝ ՀՀ քրեական դատավարության 35-րդ հոդվածի 1-ին մասի 1-ին կետով, որի օրինականությունը ստուգվել է Սյունքի մարզի դատախազի կողմից:
Ձեռնարկված միջոցառումներով պարզվել է, որ Սիսիանի քաղաքապետ Արթուր Սարգսյանի և ոստիկանության Սիսիանի բաժնի պետ, ոստիկանության փոխգնդապետ Արմեն Մարկոսյանի միջև բարեկամական կապ չկա:
Այսպիսով, կատարված ուսումնասիրությամբ պարզվել է, որ «Հրապարակ» օրաթերթում տպագրված հոդվածում հիշատակված վիճաբանության և վրաերթի դեպքերը սահմանված կարգով հաշվառվել են ոստիկանության Սիսիանի բաժնում և տրվել է համապատասխան ընթացք, իսկ Կ. Հ.-ին ծեծի ենթարկելու հանգամանքը հերքվել է նույն բաժնում նախապատրաստված նյութերով:
Ոստիկանության Սիսիանի բաժնի ծառայողների կարգապահական բնույթի խախտումներ չեն հայտնաբերվել, ուստի նպատակահարմար է համարվել ուսումնասիրության արդյունքները թողնել անհետևանք՝ առանց ծառայողական քննություն սկսելու: