Պաշտոնական Հայտարարություն Ուշադրություն Համակարգ Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Նախագծեր Հանրային քննարկումներ
Եռամսյակ Կիսամյակ Տարի
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
Հետախուզվում են
Համարանիշերի ցանկ

ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ


16.10.2017 18:36

ՄԱՆՐԱՄԱՍՆԵՐ «Կոնվերսբանկ»-ում կատարված ավազակային հարձակման դեպքից (ՏԵՍԱՆՅՈՒԹ)

ՄԱՆՐԱՄԱՍՆԵՐ «Կոնվերսբանկ»-ում կատարված ավազակային հարձակման դեպքից (ՏԵՍԱՆՅՈՒԹ)

Հոկտեմբերի 9-ին՝ ժամը 11-ն անց 30-ի սահմաններում, ոստիկանության Կենտրոնական բաժին հաղորդում էր ստացվել, որ անհայտ անձը Երևանի Սայաթ-Նովայի փողոցում գործող «Կոնվերսբանկի» մասնաճյուղից գումար է հափշտակել ու փախել: Ահազանգով մեկնած քրեական հետախույզները, փորձագետներն ու քննիչները պարզեցին, որ ժամը 11-ն անց 5-ի սահմաններում մի տղամարդ գործարք կատարելու պատրվակով մտել է բանկ ու թղթի վրա արված գրառումով սպառնացել կառավարչին՝ պահանջելով գումար: Փողը ստացել ու հեռացել է:
Հարուցվեց քրեական գործ՝ ավազակային հարձակման հատկանիշներով: Պարզվեց վնասի չափը՝ 200 հազար դոլարին համարժեք գումար: Օպերատիվ-հետախուզական ու քննչական մարմինները սկսեցին անհրաժեշտ միջոցառումները՝ հանցագործությունը բացահայտելու ուղղությամբ:
Ոստիկանության և Ազգային անվտանգության ծառայության աշխատակիցների ծավալուն օպերատիվ-հետախուզական միջոցառումների շնորհիվ 1988 թ. ծնված Դավիթ Գրիգորյանը հայտնաբերվեց Չեխովի փողոցում հոկտեմբերի 14-ի գիշերը:
1983 թ. ծնված Արսեն Գրիգորյանին, 1979 թ. ծնված Աշոտ Մանուկյանին և 1983 թ. ծնված Մարատ Գալստյանին իրավապահները հայտնաբերեցին Արմավիրի մարզի Մրգաշատ գյուղում՝ հոկտեմբերի լույս 15-ի գիշերը:
Երևանի բնակիչ Դավիթ Գրիգորյանի անձնական խուզարկությամբ հայտնաբերվեց կանեփանման զանգվածով փաթեթ: Կանեփանման զանգվածով փաթեթ հայտնաբերվեց նաև Երևանի բնակիչ Արսեն Գրիգորյանի խուզարկությամբ: Երևանի բնակիչ Մարատ Գալստյանի խուզարկությամբ էլ հայտնաբերվեց կանեփանման զանգվածով երկու փաթեթ:
Բերման ենթարկվելու օրը՝ հոկտեմբերի 15-ին, խուզարկվեցին նաև Մարատ Գալստյանի տունն ու օժանդակ շինությունները: Հայտնաբերվեց գործարանային համարով «ՏՕԶ» տիպի հրացան և «Կալաշնիկով» ինքնաձիգի նմանվող հրազեն՝ առանց գործարանային համարի:
Նույն օրը խուզարկվեցին նաև Երևանում ապրող Աշոտ Մանուկյանի բնակարանն ու օժանդակ շինությունները: Հայտնաբերվեց կանեփանման զանգված, «Կալաշնիկով» ինքնաձիգ՝ երկու լիցքավորված պահունակներով, «Ֆորտունա» գրառումով ատրճանակ՝ լիցքավորված պահունակով, տարբեր տրամաչափի հիսուն փամփուշտ, էլեկտրահարող սարք, ինքնաձիգի խլացուցիչ, ավտոմեքենայի պետհամարանիշեր, որոնք, ինչպես պարզվեց, գողացված են: Խուզարկություններով հայտնաբերվածն ուղարկվեց ոստիկանության փորձաքրեագիտական վարչություն՝ դատաձգաբանական ու դատաքիմիական փորձաքննության:
Դավիթ և Արսեն Գրիգորյանները, Մարատ Գալստյանն ու Աշոտ Մանուկյանը ձերբակալվեցին:
Ձեռնարկված հետախուզական միջոցառումների և քննչական գործողությունների արդյունքում պարզվել է խմբի մյուս անդամի ինքնությունը՝ 1988-ին ծնված Պյոտր Ցիգանկով:
Քննությամբ պարզվում են դեպքի հանգամանքներն ու կասկածյալներից յուրաքանչյուրի դերակատարումը:
Պյոտր Ցիգանկովին հայտնաբերելու ուղղությամբ միջոցառումները շարունակվում են: Նրա գտնվելու վայրի վերաբերյալ տեղեկություն ունեցողներին խնդրում ենք զանգահարել 1-02 հեռախոսահամարով կամ դիմել ոստիկանության մոտակա բաժին:
Տեղեկատվություն տրամադրողի գաղտնիությունը երաշխավորվում է: