Պաշտոնական Հայտարարություն Ուշադրություն Լրահոս Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Նախագծեր Հանրային քննարկումներ
Եռամսյակ Կիսամյակ Տարի
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
Հետախուզվում են
Համարանիշերի ցանկ

ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ


15.01.2016 10:47

ՀԱՇՎԵՏՎՈՒԹՅՈՒՆ՝ Հայաստանի Հանրապետության ոստիկանության կողմից 2015 թվականի ՀՀ կառավարության գործունեության միջոցառումների իրականացման և գերակա խնդիրների լուծման ընթացքի վերաբերյալ

ՀԱՇՎԵՏՎՈՒԹՅՈՒՆ՝ Հայաստանի Հանրապետության ոստիկանության կողմից 2015 թվականի ՀՀ կառավարության գործունեության միջոցառումների իրականացման և գերակա խնդիրների լուծման ընթացքի վերաբերյալ

ՀՀ կառավարության 2015 թվականի գործունեության միջոցառումների ծրագրի շրջանակներում ՀՀ ոստիկանության կողմից նախապատրաստվել է «Օտարերկրացիների մասին» և «Վարչական իրավախախտումների վերաբերյալ ՀՀ օրենսգրքում լրացում կատարելու մասին» ՀՀ օրենքների նախագծերի փաթեթը, որի նպատակն է Օտարերկրացիների մասին ՀՀ օրենսդրությունը համապատասխանեցնել միջազգային չափանիշներին և նպաստել անօրինական միգրացիայի դեմ պայքարի արդյունավետությանը: ՀՀ կառավարության գործունեության միջոցառումների ծրագրի համաձայն՝ ՀՀ քաղաքացիների` ՀՀ մուտք գործելու և ՀՀ-ից ելքի հետ կապված հարաբերությունները օրենքով կանոնակարգելու նպատակով 2015 թվականի ընթացքում մշակվել է նաև «Հայաստանի Հանրապետության քաղաքացիների` Հայաստանի Հանրապետություն մուտք գործելու և Հայաստանի Հանրապետությունից ելքի մասին» ՀՀ օրենքի նախագիծը: Ծրագրով սահմանված ժամկետներում նախագծերը ներկայացվել են ՀՀ կառավարության քննարկմանը:
Հայաստանի Հանրապետության կառավարության 2015 թվականի որպես ՀՀ ոստիկանության կողմից իրականացվելիք գերակա խնդիր սահմանված էր Համայնքային ոստիկանության գործունեության ընդլայնումը, ինչը ենթադրում էր համայնքային ոստիկանության 6 հենակետի ստեղծում, անհրաժեշտ գույքի և տեխնիկայի ձեռքբերմանն ուղղված աշխատանքների իրականացում, համայնքային խորհուրդների ստեղծում, ինչպես նաև համայնքային ոստիկանության ծառայողների վերապատրաստում:
Նշված խնդրի իրականացման ուղղությամբ ՀՀ ոստիկանության կողմից 2015 թվականի ընթացքում կատարվել է մեծածավալ աշխատանք, ինչի արդյունքում 5 հենակետի կառուցման աշխատանքներն ավարտված են, 1 հենակետի կառուցումը շուտով կավարտվի, իսկ ևս 2 հենակետի կառուցման ուղղությամբ շինարարական աշխատանքներն ընթացքի մեջ են:
Մասնավորապես, ավարտվել են Երևան քաղաքի Շենգավիթ համայնքում, Էջմիածին քաղաքի Վաղարշապատի, Սյունիքի մարզի Կապանի, Շիրակի մարզի Գյումրի քաղաքի Մուշի և Լոռու մարզի Վանաձոր քաղաքի Բազումի ոստիկանության բաժինների համայնքային ոստիկանության համար կառուցվող հենակետերի շինարարական աշխատանքները: Ավարտական փուլում են գտնվում Երևանի Ավան համայնքում կառուցվող հենակետի շինարարական աշխատանքները: Գյումրի քաղաքում Կումայրիի և Վանաձոր քաղաքի Տարոնի ոստիկանության բաժինների համայնքային ոստիկանության հենակետերի կառուցման աշխատանքները ընթացքի մեջ են:
Հենակետերի համար անհրաժեշտ գույքի, համակարգչային և կենցաղային տեխնիկայի մի մասը ձեռք է բերվել, այդ թվում՝ ԵԱՀԿ երևանյան գրասենյակի աջակցությամբ, իսկ մյուս մասը նախատեսվում է ձեռք բերել 2016 թվականին:
ՀՀ ոստիկանության տարածքային մարմիններում անցկացվել են համայնքային ոստիկանության ծառայողների համար մասնագիտական դասընթացներ, իսկ ՀՀ ոստիկանության կրթահամալիրում սահմանված կարգով վերապատրաստվել է համայնքային ոստիկանության 29 ծառայող:
Հայաստանի Հանրապետության ողջ տարածքում համայնքային ոստիկանության կողմից սպասարկվող բոլոր տեղամասերում ստեղծվել և գործում են համայնքային խորհուրդներ:
Համայնքային ոստիկանության գործունեության ընդլայնմանն ուղղված աշխատանքները շարունակվելու են նաև 2016 թվականին:
2015 թվականի գերակա խնդիրների շրջանակներում ՀՀ ոստիկանության կողմից իրականացվել են նաև Կոտայքի մարզի Հաշվառման քննական ստորաբաժանման կապիտալ վերանորոգման, ինչպես նաև Տավուշի մարզի Հաշվառման քննական ստորաբաժանման վերակառուցմանն ուղղված նախապատրաստական աշխատանքներ:
2015 թվականի հոկտեմբերի 21-ին շահագործման են հանձնվել Կոտայքի մարզի հաշվառման-քննական ստորաբաժանման վերանորագված վարչական շենքը և քննական ավտոդրոմը, ինչը հնարավորություն է տալիս տրանսպորտային միջոցների գրանցման և հաշվառման գործընթացն իրականացնել «հոսքագծի» եղանակով:
Տավուշի մարզում Հաշվառման քննական ստորաբաժանման վարչական շենքի և քննական ավտոդրոմի կառուցման նպատակով իրականացվել են անհրաժեշտ նախագծային փաստաթղթերի մշակման աշխատանքները, հայտարարված մրցույթի արդյունքում հաղթող ճանաչված կազմակերպության հետ 27.11.15թ. կնքվել է պայմանագիր, նախապատրաստական աշխատանքներ են տարվում շինարարական աշխատանքները սկսելու ուղղությամբ:

ՀՀ ՈՍՏԻԿԱՆՈՒԹՅՈՒՆ